Futzal millimizin qarşıdakı matçlarına hakim təyinatları açıqlandı

Futzal millimizin qarşıdakı matçlarına hakim təyinatları açıqlandı

Azərbaycanın 19 yaşadək futzalçılardan ibarət millisinin Avropa çempionatının əsas mərhələsində keçirəcəyi ilk iki oyuna təyinatlar açıqlanıb.

Azərbaycan Futzal Federasiyasının mətbuat xidmətindən verilən məlumata görə, martın 26-da keçiriləcək Bosniya və Herseqovina ilə matçda Rastislav Behancin (Slovakiya), Liviu Dumitru Çita (Rumıniya) və Kastriot Qerxhaliu (İsveç) iş başında olacaq.

Millinin martın 27-də Xorvatiyaya qarşı keçirəcəyi matçı isə Liviu Dumitru Çita (Rumıniya), Filipa Prata (Portuqaliya) və Rastislav Behancin (Slovakiya) idarə edəcək.

Hər iki görüş Omiş şəhərində yerləşən Ribnyak İdman Sarayında keçiriləcək. Bosniya və Herseqovina ilə matç Bakı vaxtı ilə saat 19:00-da, Xorvatiya ilə görüş isə 20:00-da başlayacaq.