Qadın voleybolçular arasında Yüksək Liqanın qalibləri mükafatlandırılıb

BOK

24.04.2025, 18:24

Aprelin 24-də qadın voleybolçular arasında Yüksək Liqada mövsümün qaliblərinin mükafatlandırma mərasimi keçirilib. Milli Gimnastika Arenasinda keçirilən mərasimdə Azərbaycan Milli Olimpiya Komitəsinin vitse-prezidenti Çingiz Hüseynzadə, Avropa Voleybol Konfederasiyasının (CEV) prezidenti Roko Sikiriç, Azərbaycan Voleybol Federasiyasının (AVF) prezidenti Şahin Bağırov, federasiyanın birinci vitse-prezidenti Faiq Qarayev iştirak ediblər. Mərasimə çıxış edən Azərbaycan Milli Olimpiya Komitəsinin vitse-prezidenti Çingiz Hüseynzadə mövsüm ərzində göstərilən əzmkarlığı yüksək qiymətləndirib və "Azərreyl" klubunu çempionluq münasibətilə təbrik edib. O, Azərbaycan Voleybol Federasiyasının son illərdəki fəaliyyətini yüksək qiymətləndirərək qeyd edib ki, final oyununda nümayiş olunan ruh və əzmkarlıq Azərbaycan voleybolunun yüksəlişindən xəbər verir. Avropa Voleybol Konfederasiyasının (CEV) prezidenti Roko Sikiriç mərasimdə çıxış edərək Bakı səfərindən məmnunluğunu ifadə edib. CEV rəsmisi möhtəşəm final oyunu və yüksək təşkilatçılıq münasibəti ilə qalibləri və federasiya rəhbərliyini təbrik edib. Azərbaycan Voleybol Federasiyasının prezidenti Şahin Bağırov isə federasiya rəhbərliyi adından çempion komandanı təbrik edərək onlara gələcək yarışlarda da uğurlar arzulayıb. Daha sonra çempionat zamanı fərqlənən voleybolçular müxtəlif nominasiyalar üzrə fərdi mükafatlarla təltif olunublar. Ardınca qalib komandalar - “Azərreyl”, “Abşeron” və “Milli Aviasiya Akademiyası”na kubok və medallar təqdim edilib. Medalları AVF prezidenti Şahin Bağırov, vitse-prezident Faiq Qarayev və CEV prezidenti Roko Sikiriç təqdim ediblər. “Azərreyl”ə çempionluq kuboku isə MOK-un vitse-prezidenti Çingiz Hüseynzadə tərəfindən təqdim olunub. Qeyd edək ki, finalda “Abşeron”a qarşı “qızıl set”də qalib gələn “Azərreyl” Yüksək Liqanın 2024/2025 mövsümünü çempion kimi tamamlayıb. “Abşeron” ikinci, “Milli Aviasiya Akademiyası” isə üçüncü pillədə qərarlaşıb.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR