VI İslam Həmrəyliyi Oyunları: Azərbaycan idmançıları günü 1 gümüş medalla başa vurdular - GÜNÜN YEKUNLARI

BOK

16.11.2025, 00:57

Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında daha bir yarış gününə yekun vurulub. Olimpnews.az xəbər verir ki, Oyunların 12-ci günündə Azərbaycan idmançıları 4 idman növündə (duatlon, taekvondo, uşu, həndbol) çıxış ediblər. Komandamız günü bir gümüş medalla başa vurub. Yeganə medalı ölkəmizə taekvondoçumuz Minayə Ələkbərova (46 kq) qazandırıb. Mübarizəyə 1/4 finaldan başlayan idmançımız Miar Qabaha (Fələstin) və Farah Touzaniyə (Mərakeş) qalib gələrək finala vəsiqə əldə edib. Həlledici görüşdə iranlı rəqibi Sayma Karimirahyerdiyə məğlub olan Minayə Ələkbərova fəxri kürsünün ikinci pilləsində yer alıb. Bu, idmançımızın İslam Həmrəyliyi Oyunlarında ikinci medalı olub. O, Konya-2021 V İslam Həmrəyliyi Oyunlarında da gümüş medala sahib çıxmışdı. Taekvondo yarışlarının ilk günündə dayanq üzərinə çıxan digər taekvondoçularımızdan Cavad Ağayev (74 kq), Bəhruz Quluzadə (54 kq) və Məryəm Məmmədova (57 kq) isə Oyunları medalsız başa vurublar. Bu gün həmçinin uşu idman növü üzrə yarışlara da start verilib. İlk yarış günündə 5 idmançımız mübarizəyə başlasa da, onlardan Elçin Eminov (60 kq) yarımfinala vəsiqə qazana bilib. 1/8 finalda əfqanıstanlı Şamsuddin Hacızadəyə qalib gələn idmançımız növbəti mərhələdə yəmənli Talal Əlnüvasdan üstün olaraq yarımfinala vəsiqə əldə edib. Təmsilçimiz finala vəsiqə uğrunda görüşdə Yusif Xalid Basyonı Məhəmməd Hamoda (Misir) ilə qarşılaşacaq. Həmzə Rəsulzadə (70 kq) isə 1/8 finalda Banqladeş idmançısına qalib gəlsə də, 1/4 finalda qırğızıstanlı rəqibinə məğlub olub. Digər idmançılarımızdan Xalidə Mirzəyeva (56 kq) Banqladeş, Mirfatimə Azərpur (70 kq), Türkiyə, Elvin Abbasov (85 kq) isə İran İslam Respublikasının təmsilçisinə ilk görüşdə uduzub. Bu gün həmçinin, həndbol yarışlarına da start verilib. Azərbaycanın həndbol millisi İslamiadada ilk oyununu Özbəkistan komandasına qarşı keçirib. Şahzadə Faysal bin Fahad adına olan Olimpiya Kompleksində keçirilən görüş Özbəkistan millisinin 28:26 hesablı qələbəsi ilə yekunlaşıb. Duatlon yarışlarının son günündə isə ölkəmizi təmsil edən Toğrul Məmmədli mübarizə aparıb. Təmsilçimiz çıxışını 13-cü sırada başa vurub. Yarışın birinci günündə komandamızın digər üzvü Leyla Əbdüləzizova yarışı 10-cu sırada yekunlaşdırmışdı.

Hazırda komandamızın aktivində 40 (5 qızıl, 14 gümüş, 21 bürünc) medal var. Komandamız bu nəticə ilə 8-ci pilədə qərarlaşıb. Qeyd edək ki, VI İslam Həmrəyliyi Oyunlarına noyabrın 21-də yekun vurulacaq.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR