Rəşad Rəsullu: “21 medalın qazanılması uğurlu nəticədir"

$Rəşad Rəsullu: “21 medalın qazanılması uğurlu nəticədir\"$

Müsahibə

04.10.2025, 22:10

Bu gün III MDB Oyunları çərçivəsində U-17 yaş kateqoriyasında cüdo üzrə fərdi yarışlar keçirilib. İlk yarış günündə Azərbaycan yığması uğurlu çıxışla yadda qalıb. Təmsilçilərimiz 5 qızıl, 7 gümüş və 9 bürünc medal qazanaraq ümumi komanda hesabında ikinci, qızların yarışında isə birinci yeri tutublar.

Fərdi yarışların yekunundan sonra Azərbaycan Cüdo Federasiyasının icraçı vitse-prezidenti Rəşad Rəsullu Olimpnews.az-a müsahibəsində komandamızın çıxışını dəyərləndirib.

- Rəşad müəllim, yarışların ilk günü Azərbaycan cüdoçuları üçün necə keçdi?

- Rusiya komandasından sonra cüdo yarışlarında ikinci yeri tutduq. 21 medalın qazanılması uğurlu nəticədir. Bəzi çəki dərəcələrində qızıl medala ümid etdiyimiz idmançılar var idi, lakin bu idmandır, hər şey mümkündür. Buna baxmayaraq, qızlar 44 kq, 48 kq və 52 kq çəki dərəcələrində qızıl medal qazandılar. Xüsusilə 52 kq çəki dərəcəsində çıxış edən Nərmin Ağamirzəzadəni qeyd etmək istəyirəm. O, ilk görüşdə “Böyük Dəbilqə” turnirinin medalçısı olan tacikistanlı rəqibinə qalib gəldi. Nərminin hələ 15 yaşı tamam olmayıb, hələ iki il yeniyetmələrdə çıxış edəcək. Onun nəticəsi ümidvericidir. Yarışdan əvvəl müəyyən etdiyimiz qızıl medal planını demək olar ki, yerinə yetirdik. Deyərdim ki, bir qızıl medal az oldu.

- Bu yaşda yeniyetmə idmançılar üçün belə turnirlər nə qədər əhəmiyyətlidir?

- Yeniyetmə dövrü inkişaf mərhələsidir. Bu gün burada medal qazanmayan idmançı gələcəkdə Olimpiya çempionu ola bilər. Elə hallar da olur ki, qızıl medal qazanan idmançı bir neçə ildən sonra idmanı tərk edir. Ona görə də yeniyetmələrin nəticələrinə əsasən uzunmüddətli proqnoz vermək çətindir. Biz onların gələcəkdə məşqlərə münasibətini, işə yanaşmalarını izləyəcəyik. Amma ümumilikdə deyə bilərəm ki, həm qızlar, həm də oğlanlar arasında 2032, 2036, hətta 2040-cı il Yay Olimpiya Oyunlarında medal qazana biləcək potensiallı idmançılarımız var. Sadəcə olaraq bu potensial üzərində daim işləmək lazımdır.

- Qızların yarışda oğlanlardan daha çox qızıl medal qazanması gözlənilən idimi?

– Açığı, dünən komanda ilə görüşdə onlara demişdim ki, qızlar sizdən daha çox medal qazanacaq (gülür). Elə də oldu – qızlar 3, oğlanlar isə 2 qızıl medal qazandı. Bu da bir daha sübut edir ki, Azərbaycan cüdosunda qızların inkişafı dinamik şəkildə davam edir.

- Sabah keçiriləcək komanda yarışlarında bizi nələr gözləyir?

- Cəmi beş ölkə - Azərbaycan, Rusiya, Belarus, Tacikistan və Özbəkistan komandaları yarışda mübarizə aparacaq. Bizim məqsədimiz ən azı final mərhələsinə qədər irəliləməkdir. Komandamız buna qadirdir.

- Yeniyetmə idmançılar son üç aydır ki, artıq bir neçə beynəlxalq yarışda ardıcıl iştirak edirlər. Yorğunluq hiss olunurdumu?

- Əlbəttə. Bu, yeniyetmələrimizin iştirak etdiyi ardıcıl dördüncü böyük turnirdir. İyunun sonunda Avropa çempionatı, iyulun sonunda Avropa Gənclər Olimpiya Festivalı, avqustda dünya çempionatı və indi də III MDB Oyunları. Təbii ki, uşaqlar artıq bir qədər yorulublar. Burada elə idmançılar da var idi ki, öz çəkisindən bir qədər yuxarı çıxış edirdi. Bəzi favorit cüdoçularımız da bu yarışda iştirak edə bilmədi - məsələn, Leyla Ələkbərova və EYOF-2025-in qalibi Rza Xəlilli. Amma bu Oyunlar digər idmançılarımız üçün özlərini göstərmək baxımından əla fürsət oldu.

Azər Əlizadə

Dİgər xəbərlər

$Zemfira Meftaxetdinova: \"Çalışacağıq ki, veteranlarla bağlı turnirlər mütəmadi şəkildə təşkil olunsun”$

08.05.2026, 21:28

Zemfira Meftaxetdinova: "Çalışacağıq ki, veteranlarla bağlı turnirlər mütəmadi şəkildə təşkil olunsun”

06.05.2026, 10:10

Nazir Rəhimov: “Gözəl ailə xoşbəxt yaşamaq üçün əsas şərtdir”

29.01.2026, 15:46

“Ümid edirik ki, idmançılarımız Oyunlarda layiqli çıxış edəcəklər”

$\"Qarabağ\" Bundesliqada oynasa, neçənci yeri tutar?$

21.01.2026, 17:07

"Qarabağ" Bundesliqada oynasa, neçənci yeri tutar?

29.12.2025, 13:05

Azərbaycan dünyanın aparıcı idman ölkələrindən birinə çevrilib

$Fərid Qayıbov: \"Federasiyalardan olimpiadada hansı sayda idmançı ilə iştirak edə biləcəkləri ilə bağlı ilkin say almışıq\"$

29.12.2025, 13:05

Fərid Qayıbov: "Federasiyalardan olimpiadada hansı sayda idmançı ilə iştirak edə biləcəkləri ilə bağlı ilkin say almışıq"

29.12.2025, 12:47

Fərid Qayıbov: Azərbaycan beynəlxalq idman yarışları üçün etibarlı tərəfdaşdır

25.12.2025, 20:28

“Bu monoqrafiyam Qərbi Azərbaycan idmançıları barədə yazılmış geniş və əhatəli ilk nəşrdir”

$Nazir Rəhimov: \"Ağacan Abiyevin şərəfinə belə bir turnirin keçirilməsi çox təqdirəlayiqdir\"$

20.12.2025, 12:50

Nazir Rəhimov: "Ağacan Abiyevin şərəfinə belə bir turnirin keçirilməsi çox təqdirəlayiqdir"

08.12.2025, 21:43

Jalə Əliyeva: “Ardıcıl ikinci dəfə İslam Oyunlarının qalibi olmaq qürurvericidir” - MÜSAHİBƏ

08.12.2025, 14:14

Rəşad Rəsullu: “Əsas hədəflərimiz Bakıda keçiriləcək dünya çempionatı və Los-Anceles-2028 Olimpiya Oyunlarıdır” - MÜSAHİBƏ

20.11.2025, 22:57

Çingiz Hüseynzadə: “İdmançılarımız mübarizə apararaq, bacarıqlarını nümayiş etdirdilər”

SON XƏBƏRLƏR

BÜTÜN XƏBƏRLƏR