FIG-dən Rusiya və Belarus idmançılarına yaşıl işıq

Olimpizm

18.05.2026, 10:53

Beynəlxalq Gimnastika Federasiyası (FIG) Rusiya və Belarus idmançıları ilə bağlı tətbiq olunan məhdudiyyətlərin aradan qaldırılması barədə yeni qərar qəbul edib.

Olimpnews.az xəbər verir ki, qərara əsasən, hər iki ölkənin gimnastları bundan sonra beynəlxalq yarışlarda öz dövlət bayraqları və himnləri altında çıxış edə biləcəklər. Məsələ FIG-in Misirin Şarm əl-Şeyx şəhərində təşkil olunan İcraiyyə Komitəsinin iclasında müzakirəyə çıxarılıb və müsbət həllini tapıb.

Beləliklə, son illərdə neytral statusla yarışmaq məcburiyyətində qalan rusiyalı və belaruslu idmançılar üçün tətbiq edilən bütün məhdudiyyətlər qüvvədən düşüb.

Xatırladaq ki, FIG 2024-cü ilin əvvəlində Rusiya gimnastlarının yalnız neytral idmançı statusunda beynəlxalq turnirlərdə iştirakına icazə vermişdi. Həmin qərara əsasən, onlar yarışlarda milli atributlardan istifadə edə bilmirdilər. Yeni qərarla isə bu qadağalar tamamilə ləğv olunub.

Dİgər xəbərlər

21.04.2025, 16:32

Olimpiya çempionu anaların yarışında da birinci olub

21.04.2025, 16:26

Los-Anceles-2028-də debüt edəcək idman növünün kvotaları təsdiqlənib

12.04.2025, 16:34

BOK Los-Anceles-2028-in proqramında dəyişikliklər edib

SON XƏBƏRLƏR

BÜTÜN XƏBƏRLƏR