WUF13 ərəfəsində qadın və qız idmançılar üçün inklüziv antidopinq yanaşmalarına həsr olunmuş beynəlxalq konfrans

AMADA

18.05.2026, 16:02

BMT-nin Ümumdünya Şəhərsalma Forumunun 13-cü Sessiyası (WUF13) ərəfəsində təşkil olunan “Bakı Şəhərsalma Həftəsi” çərçivəsində “Gender bərabərliyi çərçivəsində şəhər və regionlarda idman mühitindəki qadın və qız idmançılar üçün inklüziv antidopinq yanaşmaları” mövzusunda beynəlxalq konfrans keçirilib.

Azərbaycan Milli Antidopinq Agentliyindən (AMADA) verilən məlumata görə, AMADA-nın təşkilatçılığı, Gənclər və İdman Nazirliyinin və Azərbaycan İdman Akademiyasının dəstəyi ilə “Şəhərsalma və Memarlıq İli”nə həsr olunan tədbirin əsas məqsədi idmanda gender əsaslı yanaşmalar, inklüzivlik, sağlam və təhlükəsiz idman mühitinin formalaşdırılması, eləcə də antidopinq siyasətində müasir və effektiv mexanizmlərlə bağlı beynəlxalq təcrübənin paylaşılması və müzakirələrin aparılması olub.

Tədbirin açılış mərasimində Azərbaycan İdman Akademiyasının rektoru Fuad Hacıyev, Milli Məclisin deputatı, Azərbaycan Milli Antidopinq Agentliyinin (AMADA) Müşahidə Şurasının sədri Nigar Arpadarai, Azərbaycan Respublikasının Gənclər və İdman Nazirliyinin İdman şöbəsinin müdiri Elnur Məmmədov, AMADA-nın icraçı direktoru Təhminə Tağı-zadə, WUF13 Azərbaycan Əməliyyat Şirkətinin Substantiv məzmun şöbəsinin müdiri Cəmilə İsmayılzadə və London Ali İqtisadiyyat Məktəbinin elmi işçisi Din Şarp çıxış edərək, idmanda inklüziv və gender əsaslı yanaşmaların təşviqinin müasir idman siyasətinin əsas istiqamətlərindən biri olduğunu vurğulayıblar. Qeyd olunub ki, sağlam idman mühitinin formalaşdırılmasında təhsil müəssisələrinin, federasiyaların və aidiyyəti qurumların əməkdaşlığı vacib məqamdır. Qadın və qızların idmanda iştirak imkanlarının genişləndirilməsi cəmiyyətin inkişafı baxımından mühüm əhəmiyyət daşıyır. Gender əsaslı yanaşmanın təmin olunması isə yalnız sosial deyil, həm də institusional məsuliyyət məsələsidir.

Konfrans işini plenar sessiyalar ilə davam etdirib.

Birinci plenar sessiya “Qadın idmançılar üçün inklüziv mühit: risk faktorları, sağlamlıq və təhsil yanaşmaları” mövzusuna həsr olunub. Sessiyaya moderatorluğu AMADA-nın icraçı direktoru Təhminə Tağı-zadə edib.

Sessiyada Azərbaycan İdman Akademiyasının rektoru Fuad Hacıyev, Gənclər və İdman Nazirliyinin İdman şöbəsinin müdiri Elnur Məmmədov, Azərbaycan Gimnastika Federasiyasının baş katibi Nurlana Məmmədzadə və Hertfordşir Universitetinin professoru Mayk Kallan çıxış ediblər.

Konfransın ikinci plenar sessiyası “Gender əsaslı antidopinq siyasəti: inklüziv idarəetmə və institusional mexanizmlərin effektivliyi” mövzusuna həsr olunub. Sessiyaya moderatorluğu AMADA-nın icraçı direktorunun müavini Rüfət Efendiyev edib.

Sessiyada AMADA-nın icraçı direktoru Təhminə Tağı-zadə, Milli Məclisin Gənclər və idman komitəsinin üzvü Müşfiq Cəfərov, Azərbaycan Respublikası Narkomanlığa və Narkotik Vasitələrin Qanunsuz Dövriyyəsinə qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun məsul əməkdaşı Vasif Quliyev, həmçinin “Marylebone Health Group”un (Birləşmiş Krallıq) nümayəndəsi Paulina Kloskovska çıxış ediblər.

Tədbirin yekununda təşkilatçılar bütün tərəfdaşlara, spikerlərə və iştirakçılara təşəkkürlərini bildirərək, keçirilən müzakirələrin təmiz idman prinsiplərinin, gender bərabərliyinin və təhlükəsiz idman mühitinin daha da inkişafına mühüm töhfə verəcəyinə əminlik ifadə ediblər.

Dİgər xəbərlər

$AMADA \"Antidopinq sahəsində sertifikatlı təlimçilərin hazırlanması\" proqramına start verib$

09.07.2026, 14:48

AMADA "Antidopinq sahəsində sertifikatlı təlimçilərin hazırlanması" proqramına start verib

07.07.2026, 19:46

AMADA və Qış İdman Növləri Federasiyası dopinq əleyhinə onlayn təlim təşkil edib

03.07.2026, 13:39

AMADA yeniyetmə idmançılar üçün maarifləndirici tədbir keçirib

22.06.2026, 16:45

AMADA Gəncədə təmiz idman dəyərlərinin təşviqinə dair maarifləndirmə proqramı təşkil edib

08.06.2026, 19:51

AMADA-nın Müşahidə Şurasının növbəti iclası keçirilib

04.06.2026, 22:10

AMADA rəsmiləri beynəlxalq konfransda iştirak ediblər

19.05.2026, 15:15

AMADA əməkdaşları azad olunmuş ərazilərə səfər ediblər

13.05.2026, 11:29

AMADA 2027-ci ildən qüvvəyə minəcək yeni antidopinq qaydalarındakı əsas dəyişiklikləri açıqlayıb

08.05.2026, 12:25

“Ədalətli İdman Ayı - 2026” çərçivəsində Milli Məclisdə görüş keçirilib - FOTO

07.05.2026, 12:33

AMADA 2027-ci ildən qüvvəyə minəcək antidopinq yeniliklərini federasiyalara açıqlayıb

SON XƏBƏRLƏR

BÜTÜN XƏBƏRLƏR