Bu gün DÇ-2026-da daha 4 oyun keçiriləcək

Futbol

20.06.2026, 19:22

ABŞ, Kanada və Meksika təşkil olunan futbol üzrə DÇ-2026-nın II turunda növbəti oyunlar keçiriləcək.

Olimpnews.az xəbər verir ki, F qrupunda Niderland və İsveç komandaları üz-üzə gələcək. Bakı vaxtı ilə saat 21:00-da başlayacaq oyun Hyuston stadionunda keçiriləcək. Bu qrupun digər qarşılaşması Tunis - Yaponiya komandaları arasında olacaq. Oyun Bakı vaxtı ilə iyunun 21-də səhər saat 08:00-da başlayacaq. Qarşılaşma Monterrey stadionunda keçiriləcək.

E qrupunda isə Almaniya seçməsi Fildişi Sahili komandası ilə qarşılaşacaq. Toronto stadionunda keçiriləcək oyuna Bakı vaxtı ilə saat 00:00-da start veriləcək. Bu qrupun digər oyununda Ekvador yığması Kurasao komandası ilə üz-üzə gələcək. Kanzas Siti stadionunda keçiriləcək oyunun start fiti Bakı vaxtı ilə saat 04:00-da səslənəcək.