Çempionlar Liqası: "Sabah" Bakıda Danimarka klubu ilə qarşılaşacaq

$Çempionlar Liqası: \"Sabah\" Bakıda Danimarka klubu ilə qarşılaşacaq$

Futbol

11.08.2026, 10:27

Bu gün futbol üzrə UEFA Çempionlar Liqasının III təsnifat mərhələsinin cavab oyunlarına start veriləcək.

Olimpnews.az xəbər verir ki, Azərbaycanın qitənin ən nüfuzlu klub turnirindəki yeganə təmsilçisi "Sabah" da bu gün cavab oyununa çıxacaq. Komandamız Bakıda Danimarka təmsilçisi "Orhus"la üz-üzə gələcək. Masazırdakı "Bank Respublika Arena"da keçiriləcək oyun Bakı vaxtı ilə saat 20:00-da başlayacaq. Oyunu fransalı FIFA dərəcəli hakim Villi Delajonun idarə edəcək.

Xatırladaq ki, bu komandalar arasında Danimarkada keçiriləcək ilk oyunda "Orhus" 2:1 hesablı qələbə qazanmışdı. "Sabah" "Orhus"u mübarizədən kənarlaşdıracağı təqdirdə, UEFA Çempionlar Liqasının pley-off mərhələsində "Hapoel" (İsrail, Beer-Şeva) - "Srvena Zvezda" (Serbiya) cütünün qalibi ilə qarşılaşacaq.

Azərbaycan çempionu Danimarka təmsilçisinə məğlub olacağı təqdirdə isə UEFA Avropa Liqasının pley-off mərhələsində "Benfika" (Portuqaliya) - "Harts" (Şotlandiya) cütünün qalibi ilə üz-üzə gələcək.