Kriştianu Ronaldo və Corcinya Rodriges evləndi

Futbol

12.08.2026, 10:29

Dünya futbolunun ulduzu Kriştianu Ronaldo və uzun illərdir münasibətdə olduğu Corcinya Rodriges evlənib.

Olimpnews.az xəbər verir ki, cütlük Portuqaliyanın Kaskais şəhərində keçirilən rəsmi nikah mərasimi ilə ailə həyatı qurub. Mərasimdə Ronaldonun və Rodrigesin beş övladının da iştirak etdiyi bildirilib.

Təxminən 10 il davam edən münasibətdən sonra nikah masasına əyləşən cütlük xoş xəbəri sosial şəbəkədə paylaşaraq elan edib. Ronaldo nikah üzüklərinin fotosunu yayımlayıb və paylaşımına “CG” başlığını əlavə edib.

Futbolçunun nümayəndəsi də xəbəri təsdiqləyib. O bildirib ki, Kriştianu Ronaldo və Corcinya Rodriges Kaskais şəhərində keçirilən özəl və səmimi mərasimdə rəsmi nikaha daxil olublar və artıq ər-arvaddırlar.

Qeyd edək ki, Ronaldo və Corcinya 2016-cı ildən münasibətdədirlər. Cütlük 2025-ci ilin avqustunda nişanlandıqlarını açıqlamışdı. Onların münasibətindən iki qız övladı dünyaya gəlib.