Rodri “Barselona”ya keçir

Futbol

17.08.2026, 11:21

“Barselona” İspaniya millisinin və “Mançester Siti”nin yarımmüdafiəçisi Rodrinin transferi ilə bağlı İngiltərə klubu ilə razılığa gəlib.

Olimpnews.az xəbər verir ki, 30 yaşlı futbolçunun Kataloniya klubuna keçidi üzrə razılaşmanın ümumi dəyəri bonuslarla birlikdə 76,5 milyon avro təşkil edəcək. Transferin maliyyə şərtlərinə əsasən, “Barselona” Rodri üçün “Mançester Siti”yə 60 milyon avro sabit məbləğ ödəyəcək. Razılaşmada əlavə olaraq 11,5 milyon avro asanlıqla əldə edilə bilən bonuslar, həmçinin 5 milyon avro daha çətin şərtlərə bağlı bonuslar nəzərdə tutulub. Beləliklə, transferin maksimum məbləği 76,5 milyon avroya çatacaq.

Rodrinin “Barselona” ilə 2030-cu ilin yayına qədər dördillik müqavilə imzalaması gözlənilir. İspaniyalı yarımmüdafiəçinin tibbi müayinədən keçməsi planlaşdırılıb və keçidin rəsmi olaraq yaxın günlərdə tamamlanacağı bildirilir.

İspaniyalı futbolçu 2024-cü ildə karyerasında ilk dəfə “Qızıl top” mükafatına layiq görülüb.