Braziliya ciu-citsusu üzrə açıq turnirdə “Judo Club 2012”nin uğuru

Əlbəyaxa döyüş növləri

29.10.2026, 11:15

Oktyabrın 25-də “Judo Club 2012”nin idman zalında Azərbaycan Braziliya Ciu-Citsu Klubu İctimai Birliyinin təşkilatçılığı ilə klublararası açıq turnir keçirilib.

Olimpnews.az "Judo Club 2012"yə istinadən xəbər verir ki, yarışda Azərbaycanın müxtəlif bölgələrindən olan idmançılar, məşqçilər və ciu-citsu məktəblərinin nümayəndələri iştirak ediblər. Turnirin keçirilməsində əsas məqsəd idmançılar arasında dostluq və sağlam rəqabət mühitinin möhkəmləndirilməsi, eləcə də ciu-citsu idman növünün təbliği olub.

Turnirdə “Judo Club 2012”nin idmançıları da uğurla çıxış edərək müxtəlif yaş və çəki dərəcələrində ümumilikdə 17 (6 qızıl, 6 gümüş, 5 bürünc) medal qazanıblar.

Klubun üzvlərindən Taleh Həsənov (10–11 yaş, 34 kq), İsmayıl Heydərli (12-13 yaş, 64 kq), Əli Rəhimov (14-15 yaş, 55 kq), Anar Hüseynov (14-15 yaş, 67 kq) Bəylər Rəhmanov (14-15 yaş, 71 kq) və Mahmud Maksudov (18-29 yaş, 61 kq) qızıl medallara layiq görülüb.

Rəsul Rzayev (14-15 yaş, 46 kq), Muhəmməd Səfərli (14-15 yaş, 55 kq), Əli Bədəlov (14-15 yaş, 63 kq), Murad Tağıyev (18-29 yaş, 61 kq), Rüstəm Hüseynov (36-45 yaş, 91 kq) və Eldar Qarayev (51-55 yaş, 91 kq) isə gümüş medallara sahib çıxıblar.

Bürünc medalları isə klubun aktivinə Kamal Dadaşov (14-15 yaş, 63 kq), Said Abdullayev (16-17 yaş, 70 kq), Ağamusa Əliyev (18-28 yaş, 85 kq), Xələf Cəfərov (46-50 yaş, 86 kq) və Fuad Kərimov (46-50 yaş, 79 kq) yazdırıb.

Turnirin təşkilatçılarından olan Azərbaycan Braziliya Ciu-Citsu Klubu İctimai Birliyinin sədri Taleh Həsənov yarışın yüksək səviyyədə keçirilməsi üçün yaradılan şəraitə və göstərilən dəstəyə görə Azərbaycan Cüdo Veteranları Assosiasiyasının prezidenti, “Judo Club 2012” İctimai Birliyinin sədri və klubun təsisçisi, veteran cüdoçular arasında dünya və Avropa çempionatlarının dəfələrlə qalibi və mükafatçısı Azər Əsgərova minnətdarlığını bildirib. Onun idmanın inkişafına, idmançılar arasında əməkdaşlığın gücləndirilməsinə və sağlam rəqabət mühitinin formalaşmasına verdiyi töhfələr xüsusi vurğulanıb.