Faiq Qarayev: “Bu qələbə Azərbaycanın daha da çiçəklənməsində mühüm rol oynayacaq”

BOK

27.11.2020, 17:42

“Azərbaycan 44 gün davam edən Vətən müharibəsi nəticəsində öz dədə-baba yurdunu işğalçı düşməndən azad etməyə nail oldu. Ordumuzun belə bir qısa müddətdə xalqımıza qələbə sevincini yaşatması, həqiqətən də, qürurvericidir. Mən bu münasibətilə başda ölkə başçısı, Ali Baş Komandan İlham Əliyev olmaqla, bütün xalqımızı voleybol ictimaiyyəti adından səmimi qəlbdən təbrik edirəm”

Bu sözləri “Olimpiya dünyası” qəzetinə Azərbaycan Voleybol Federasiyasının vitse-prezidenti Faiq Qarayev deyib.

Təcrübəli mütəxəssis 44 gün ərzində xalq ilə ordu arasında böyük bir bağ olduğunu qeyd edib. O, məhz bu birlik sayəsində ordumuzun yeni zəfər səlnaməsi yazdığını bildirib.

“Hər bir vətəndaşımız kimi mən də ölkəmizin inkişafı və məğlubedilməz ordumuzla qürur hissi keçirirəm. Hərbçilərimiz qazanılan qələbə ilə bizə sevincli anlar yaşatdılar. 30 il işğal altında olan torpaqlarımız düşməndən azad olundu. Vətən uğrunda şəhidlik zirvəsinə ucalan Azərbaycanın igid əsgər və zabitlərinə Allahdan rəhmət diləyir,

ailələrinə dərin hüznlə başsağlığı verirəm. Yaralı hərbçilərimizin isə tezliklə şəfa tapamasını arzu edirəm. Qürurverici haldır ki, düşməni qədim torpaqlarımızdan qovmaq üçün minlərlə gəncimiz könüllü şəkildə ordu sıralarına qoşuldu. Ölkəmizin hər bir vətəndaşı öz sahəsində ordumuz üçün əlindən gələni etdi”, - deyə Faiq Qarayev bildirib.

Federasiya rəsmisi müsahibəsində həmçinin voleybol üzrə beynəlxalq qurumların bu haqlı mübarizədə ölkəmizə dəstək olduğunu qeyd edib:

“Mənə hər gün digər voleybol federasiyalarından, Avropa Voleybol Konfederasiyasından zənglər gəlirdi. Onlar Azərbaycanı dəstəklədiklərini və qələbə qazanacağımıza inandıqlarını ifadə edirdilər. Bu gün isə həmin təşkilatlar mənə ölkəmizin ərazi bütövlüyünü bərpa etməsi münasibəti ilə təbriklərini çatdırırlar. Onların arasında Türkiyə voleybol camiəsini xüsusilə vurğulamaq istərdim. Bildiyiniz kimi, mən Azərbaycan milli komandasından əlavə qardaş ölkənin də əsas yığmasının baş məşqçisi olmuşam. “Ay-ulduzlular”la beynəlxalq arenalarda kifayət qədər qələbə sevinci yaşamışam. Onlar da müharibənin başladığı gündən etibarən, demək olar ki, hər gün burdakı vəziyyətlə maraqlanırlar. Vətən müharibəsi başlandığı gündən türk qardaşlarımız hər an yanımızda olub, ərazi bütövlüyümüzü dəstəkləyiblər. Şükürlər olsun ki, doğma torpağından, evindən ayrı düşən həmvətənlərimiz 30 ildən sonra Ali Baş Komandanımız İlham Əliyevin uzaqgörən siyasəti, Ordumuzun gücü sayəsində öz yurdlarına qovuşurlar. Bu gün Prezidentimiz bütün dünyaya Azərbaycanın güclü ölkə olduğunu bir daha göstərdi. Biz də öz növbəmizdə Prezidentimizin ətrafında bir yumruq kimi birləşib birliyimizi nümayiş etdiririk”.

Faiq Qarayev həmçinin işğaldan azad olunan torpaqlarımızda voleybol komandalarının yaradılmasının federasiyanın əsas hədəflərindən biri olduğunu qeyd edib.

“Azad olunan torpaqlarımızda voleybol komandalarını yaratmaq bizim əsas hədəfimizdir. Bunun üçün bütün gücümüzü səfərbər edəcəyik. Azərbaycanda və dünyada koronavirus pandemiyasının davam etməsi

səbəbi ilə məşqlərimiz bütün qaydalara riyat edərək, yalnız açıq havada həyata keçiririk. Azərbaycan Voleybol Federasiyası olaraq, təşkil etdiyimiz vidokonfranslarda idmançıların hazırkı vəziyyəti və bölgələrdə voleybolun inkişaf etdirilməsi mövzuları müzakirə olunur. İnanıram ki, ölkəmiz işğaldan azad olunmuş torpaqlarımızda yaxın zamanlarda beynəlxalq yarışlara evsahibliyi edəcək və idmançılarımız hər zaman olduğu kimi bayrağımızı zirvələrə qaldıracaqlar. Əminəm ki, müharibədə qazandığımız bu qələbə istənilən sahədə Azərbaycanın daha da çiçəklənməsində mühüm rol oynayacaq”, - deyə təcrübəli mütəxəssis qeyd edib.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR