MOK mətbuat katibləri üçün təlim təşkil edib

BOK

02.03.2021, 11:25

Azərbaycan Milli Olimpiya Komitəsi (MOK) milli idman federasiyalarının mətbuat katibləri ilə işin gücləndirilməsi, o cümlədən müxtəlif sahələrdə bilik və bacarıqlarının artırılması istiqamətində onlara əlavə imkanların yaradılması məqsədilə yeni layihələr reallaşdırır. MOK-un idmançılar üçün təşkil etdiyi sosial media təlimlərinin növbəti mərhələsində Olimpiya idman növlərinə aid federasiyaların mətbuat xidməti rəhbərləri və komitə ilə sıx əməkdaşlıq edən Azərbaycan İdman Könüllüləri İctimai Birliyinin nümayəndələri də iştirak ediblər. Müasir dövrdə sosial media kütləvi informasiya vasitələrindən birinə çevrilib, hətta bəzi məqamlarda ənənəvi mediadan daha populyardır. Kütləviliyə istiqamətlənən sosial media platformalarından düzgün istifadə həm də müxtəlif idman növlərinin təbliğinə xidmət edir. Elə bu səbəbdən milli idman federasiyalarının mətbuat xidməti rəhbərlərinin sosial media marketinqi sahəsində bacarıqlarının təkmilləşdirilməsi vacibdir. Komitənin marketinq şöbəsinin mütəxəssisi Səkinə Vəliyeva və rəqəmsal marketinq üzrə mütəxəssis Müşfiq Şirəliyevin keçdikləri təlimdə güləş, karate, atletika, badminton və qılıncoynatma federasiyalarının mətbuat xidmətlərinin rəhbərləri iştirak ediblər. İştirakçılara sosial media marketinqi və onun xüsusiyyətləri, hədəfə çatmaq üçün sosial mediadan düzgün istifadə olunması kimi bir çox vacib məqamlar haqda məlumat verilib. Pandemiya şəraitinə uyğun olaraq, SMM təlimləri mərhələli şəkildə kiçik qruplarla təşkil olunur. Təlimlərin məqsədi Azərbaycanda idman haqda xəbərlərin, Olimpiya ideyalarının sosial media üzərindən peşəkar şəkildə yayılmasına şərait yaratmaqdır. Komitə idman federasiyalarının mətbuat xidmətləri rəhbərləri üçün əlavə bilik və bacarıqlar verilməsinə imkan yaradan fəaliyyət növlərinə aid növbəti təlimlər keçirməyi də planlaşdırır.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR