COVID-19 pasportları və antikor sertifikatları yoxlanıla bilər

Olimpizm xəbərləri

04.03.2021, 15:08

AVRO-2020-nin oyunlarını izləmək istəyən azarkeşlərdən COVID-19 pasportları və antikor sertifikatları tələb oluna bilər.

Bu barədə turnirin Rusiya hissəsinin Təşkilat Komitəsinin baş direktoru Aleksey Sorokin bugünkü mətbuat konfransında deyib.

Funksioner bildirib ki, hazırda UEFA fanatlarla bağlı bütün mümkün variantları nəzərdən keçirir: "Burada bir çox suallar var. Xəstələnsəm və ya aşılansam, necə olacaq? Hər şey təşkilatçı şəhərlərlə razılaşdıqdan və azarkeş sayı dəqiqləşdikdən sonra müəyyənləşəcək. COVID-19 pasportları və antikor sertifikatları yoxlanıla bilər. Ölkələrdəki vəziyyətin necə olacağını bilmirik. Bizim üçün ən vacib məsələ əcnəbi azarkeşlərin maksimum sayı və qəbuluna dair razılığa gəlməkdir".

Sorokinin sözlərinə görə, AVRO-2020-nin Sankt-Peterburqda keçiriləcək oyunlarının biletlərini qaytarmaq istəyən azarkeşlərin sayı çox deyil: "Biletlərin böyük hissəsi satılıb, əllərdədir. Vətəndaşlarımızın futbola sadiqliklərinə və mənəvi cəhətdən möhkəm olduqlarına təəccübləndik. Vətəndaşlarımızın qaytardıqları biletlərin say faizləri o qədər də çox deyil.

Bu, bizi yaxşı mənada heyrətləndirdi. Halbuki bir sıra digər ölkələrlə bu rəqəm bir qədər çoxdur".

Daha əvvəl UEFA bilet sahibləri üçün xüsusi izahat dərc edib. Həmin açıqlamada bildirilir ki, stadionlarda yerlər ixtisara salındıqda və ya tribunalar tam qapadıldıqda UEFA biletlərin tam məbləğini azarkeşlərə qaytaracaq. Bilet sahibləri isə stadionlarda qəbul olunmuş sanitar normalarına və təşkilatçı ölkənin müəyyənləşdirdiyi normalara riayət etməlidirlər.

UEFA azarkeşlərin tribunalara buraxılma formatı barədə qərarı aprelin 7-də açıqlayacaq.

Qeyd edək ki, 2020-ci ildə keçirilməli olan Avropa çempionatı koronavirus pandemiyası üzündən bu il 11 iyun - 11 iyula təxirə salınıb. AVRO-2020-yə Bakı, Sankt-Peterburq, London, Münhen, Roma, Buxarest, Dublin, Kopenhagen, Bilbao, Qlazqo, Budapeşt və Amsterdam şəhərləri ev sahibliyi etməlidir.

Bakı Olimpiya Stadionu A qrupunun İsveçrə - Uels, Türkiyə - Uels və Türkiyə - İsveçrə qarşılaşmalarına, eləcə də 1/4 final mərhələsinin 1 oyununa ev sahibliyi edəcək.

Dİgər xəbərlər

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

16.02.2026, 17:56

Niderlandlı idmançılar ilk iki yeri əldən vermədilər

SON XƏBƏRLƏR

BÜTÜN XƏBƏRLƏR