Kriket üzrə Dünya Kuboku-2023 vikipediyada ilin ən populyar üç sorğusundan biri olub. Siyahıda birinci yeri generativ süni intellektə malik “ChatGPT” çatbot tutub. Reytinqdə ikinci yerdə “2023-cü ildə dünyasını dəyişənlər” - sorğusu qərarlaşıb. Kriket üzrə dünya kuboku bu siyahıda üçüncü yerdədir. Xatırladaq ki, kriket üzrə Dünya Kuboku 2023-cü il oktyabrın 5-dən noyabrın 19-dək Hindistanda keçirilib. Avstraliya komandası tarixdə altıncı dəfə yarışın qalibi olub. Dünya çempionatının finalında Avstraliya yığması Hindistan komandasına qalib gəlib. Komandalar əvvəllər 2003-cü ildə dünya çempionatının finalında üz-üzə gəliblər. Daha sonra Avstraliya komandası da birinci olub.
Məlumat üçün bildirək ki, kriket Hindistan və Pakistanda ən populyar idman növlərindən biridir.
jpg-1714242793.jpg)
