Tələbə gimnastlar “Rektor Kuboku” turnirində yarışıblar

BOK

10.12.2023, 10:07

Milli Gimnastika Arenasının köməkçi zalında ümummilli lider Heydər Əliyevin 100 illik yubileyinə həsr olunmuş idman gimnastikası üzrə “Rektor Kuboku” keçirilib.

Azərbaycan Gimnastika Federasiyası (AGF) və Azərbaycan Dövlət Bədən Tərbiyəsi və İdman Akademiyasının (ADBTİA) birgə təşkilatçılığı ilə keçirilən yarışın açılış mərasimində əvvəlcə ulu öndərin idman sahəsinə verdiyi töhfəni əks etdirən videoçarx nümayiş olunub. Dövlət Himninin səsləndirilməsi ilə davam edən tədbirdə torpaqlarımızın azadlığı uğrunda canlarını qurban verən şəhidlərin əziz xatirəsi bir dəqiqəlik sükutla anılıb. Daha sonra ADBTİA-nın rektoru Fuad Hacıyev çıxış edərək prezident İlham Əliyevin idmana göstərdiyi diqqət və qayğı nəticəsində ölkəmizdə bir çox yarışların uğurla təşkil olunduğunu bildirib.

Rəsmi çıxışdan sonra açılış mərasimi bədii hissə ilə davam etdirilib.

Yarışda 8 komandanın tərkibində akademiyanın bakalavriat səviyyəsinin I tədris ilində təhsil alan 130-dək tələbə qüvvəsini sınayıb. Fərdi çoxnövçülükdə “Kəlbəcər”, “Cəbrayıl”, “Ağdam” “Şuşa”, “Füzuli”, “Xocalı” “Zəngilan”, “Laçın” komandalarının təmsilçiləri sərbəst hərəkətlər, müxtəlif hündürlüklü qollar və halqalar ilə hərəkətlərin icrasında mübarizə aparıblar.

Komanda yarışlarında “Füzuli”, “Şuşa”, “Zəngilan”, “Cəbrayıl”, “Laçın”, “Xankəndi” və “Ağdam”ın üzvləri bacarıqlarını nümayiş etdiriblər. Komanda yarışında “Zəngilan” birinci yerə layiq görülüb. “Füzuli” ikinci, “Şuşa” isə üçüncü yeri tutub. Qrup çıxışında “Şuşa” qalib adını qazanıb. “Füzuli” və “Zəngilan” komandaları isə müvafiq olaraq ikinci, üçüncü yerləri bölüşüblər. Fərdi çoxnövçülükdə “Zəngilan” komandasının təmsilçisi Rəşad Məmmədov qızıl medala sahib çıxıb. “Füzuli” komandasını təmsil edən tələbələr, Rahib Məmmədov gümüş, Vüsal Səmədov isə bürünc medala yiyələnib.

Qeyd edək ki, AGF ilə ADBTİA arasında gimnastikasının inkişafı istiqamətində indiyədək bir sıra birgə layihələr uğurla təşkil edilib.

İlk dəfə olaraq “Rektor kuboku”nun keçirilməsində məqsəd bütün idman növlərinin təməlini təşkil edən gimnastika növü vasitəsilə akademiyanın müxtəlif fakültələrində təhsil alan tələbələrin təcrübəsinin artırılması və hazırlıq formalarının gücləndirilməsidir.

Ümid edirik ki, məhz qarşılıqlı əməkdaşlıq və təcrübə mübadiləsi gələcəkdə bu sahədə peşəkar məşqçi-müəllimlərin yetişməsinə öz layiqli töhfəsini verəcək.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR