Futbol üzrə Azərbaycan Premyer Liqasında XVI turun oyunlarına yekun vurulub. Turun son oyununda "Neftçi" komandası "Turan Tovuz"la qarşılaşıb. Oyun ağ-qaraların əzmkar qələbəsi ilə yadda qalıb -3:2. Matçda hesab 5-ci dəqiqədə açılıb. Paytaxt təmsilçisinin heyətində Filip Ozobiç fərqlənib. Lakin qoldan 3 dəqiqə sonra qonaqlar hesabı bərabərləşdirməyə müvəffəq olublar. Roderik Miller dəqiq zərbə ilə hesabdakı tarazlığı bərpa edib. Oyunun ikinci hissəsində flaqman yenidən hesabda önə keçməyi bacarıb. Bu dəfə 56-cı dəqiqədə Rəhman Hacıyev qol müəllifi olub. Lakin “Neftçi”nin qol sevinci bu dəfə də üç dəqiqə çəkib. Qarşılaşmanın 59-cu dəqiqəsində Otto Con Tovuz təmsilçisinin bərabərlik qolunu vurub. Buna baxmayaraq, “Neftçi” klubu matçda qələbə topunu vurmağı bacarıb. Matçın 73-cü dəqiqəsində Aaron Olanare “ağ-qaralar”a qələbə qazandıran qolu vurub. “Neftçi” komandası bu qələbədən sonra aktivindəki xalların sayını 25-ə çatdıraraq üçüncü pilləyə yüksəlib. "Turan Tovuz" isə 16 xalla 8-ci sırada qərarlaşıb.
“Neftçi” üçüncü sıraya yüksəldi
jpg-1719907471.jpg)
jpg-1721726907.jpg)
