Boks üzrə ədalət təmsilçimiz Qalib Əbiyev növbəti hakimlik imtahanından uğurla keçib.
Azərbaycan Boks Federasiyasının mətbuat xidmətindən verilən məlumata görə, azərbaycanlı ədalət təmsilçisinin beynəlxalq kateqoriyası 1 ulduzdan 2 ulduza artırılıb.
O, bu nailiyyətə fevralın 12-18-də Rumıniyanın Ploişti şəhərində keçirilən yeniyetmə və gənc boksçular arasında “Drakula” beynəlxalq turnirində imza atıb. Beynəlxalq Boks Federasiyası (İBA) yarışda nəzəri və praktiki dərslərdə iştirak edən həmyerlimizin imtahandan uğurla keçdiyini açıqlayaraq onun ulduzunu artırıb.
Daha əvvəl Rövşən Qədirov, Anar Nağdıyev və Elxan Quliyevin beynəlxalq kateqoriyası da 2 ulduza qaldırılıb.
