Avropa Liqası: "Qarabağ" on nəfərlə tarix yazaraq 1/8 finala vəsiqə qazandı

$Avropa Liqası: \"Qarabağ\" on nəfərlə tarix yazaraq 1/8 finala vəsiqə qazandı$

Olimpizm xəbərləri

23.02.2024, 00:38

Azərbaycanın “Qarabağ” klubu tarixində ilk dəfə olaraq Avropa Liqasının 1/8 final mərhələsinə vəsiqə qazanıb. Qurban Qurbanovun komandası pley-offda Portuqaliyanın “Braqa” klubunu iki oyunun nəticəsinə görə üstələyərək mərhələ adlamağı bacarıb. Bir həftə əvvəl Portuqaliyada güclü rəqibinə 4:2 hesablı qələbə qazanan "Qarabağ" Tofiq Bəhramov adına Respublika stadionundakı cavab qarşılaşmasında 2:3 hesabı ilə uduzsa da, mərhələni adlamağı bacarıb. Matçın 57-ci dəqiqəsində “Qarabağ"ın müdafiəçisi Elvin Cəfərquliyev qırmızı vərəqə alaraq komandasını azlıqda qoyub. Bu say üstünlüyündən isə qonaqlar maksimum dərəcədə yararlanıb. Portuqaliya təmsilçisi əvvəlcə matçın 70-ci dəqiqəsində Roje Fernandesin qolu ilə hesabı açıb. Oyunun 83-cü dəqiqədəsində "Braqa"nın futbolçusu Alvaro Calo fərqlənərək komandasını ümidləndirib -0:2. Matçın əsas vaxtı bu hesabla başa çatıb. Ümumi hesab 4:4 olduğuna görə qalibi müəyyənləşdirmək üçün əlavə vaxt oynanılıb. İlk əlavə olunan 15 dəqiqədə "Qarabağ" komandası qol vuraraq stadiona toplaşan azarkeşləri ayağa qaldırıb. 102-ci dəqiqədə Mateus Silva fərqlənib. Lakin 115-ci dəqiqədə Simon Banza komandamızın qapısına təyin olunmuş penalti zərbəsini dəqiq yerinə yetirməklə "Braqa" üçün yenidən şans yaradıb. Buraxılan qola baxmayaraq, "Qarabağ" komandası meydanda sona qədər döyüşərək 120+2 dəqiqədədə oyunun müqəddəratını həll edən qolu vurub. Portuqaliyada oyunun son dəqiqələrində təkbətək şansı qaçıran Nəriman Axundzadə Bakıdakı oyunda dəqiq zərbə ilə həm günahını yudu, həm də "Qarabağ"ı növbəti mərhələyə çıxardı. Bu, oyunda vurulan sonuncu qol olub. Beləliklə gərgin mübarizə şəraitində keçən oyununun yekununda komandamız rəqibinə 2:3 hesabı ilə məğlub olsa da, ümumi hesabda 6:5 qalib gələrək 1/8 finala yüksəldi. Bu möhtəşəm zəfərlə “Qarabağ” həm də Azərbaycan futbolu tarixində avrokubokların 1/8 finalına yüksələn ilk klub olub.

Dİgər xəbərlər

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

16.02.2026, 17:56

Niderlandlı idmançılar ilk iki yeri əldən vermədilər

SON XƏBƏRLƏR

BÜTÜN XƏBƏRLƏR