“Brand Finance” analitik agentliyi yeni illik hesabatını dərc edib. Hesabata əsasən ötən il “Mercedes-Benz” maliyyə cəhətdən “Tesla”nı keçərək dünyanın ən bahalı avtomobil markasına çevrilib.
Son bir il ərzində “Mercedes-Benz” brendinin dəyəri 1 faiz artaraq, 59,4 milyard dollara çatıb. Analitiklər qeyd edirlər ki, bu artım səmərəli xərclərin azaldılması tədbirləri və yaxşı düşünülmüş məhsul çeşidi hesabına baş verib. “Tesla”nın dəyəri, əksinə, keçən il azalıb. Düşmə faizi 12-yə çatıb. Bu marka hazırda 58,3 milyard dollar dəyərində qiymətləndirilir.
Mütəxəssislər dəyərin aşağı salınmasını şirkətin qurucusu İlon Maskın mübahisəli hərəkətləri ilə əlaqələndirirlər. Məlumat üçün bildirək ki, üçüncü yerdə 52,7 milyard dollar dəyərində olan «Toyota» markasıdır.Sorakı sıralamada «Porsche», BMW və Volkswagen yer alıb.
