Gələcəyin perspektiv vəd edən idmançısı

BOK

26.02.2024, 16:14

Güləş Azərbaycanda ən populyar idman növlərindən biridir. Bu gün həm sərbəst, həm də yunan-Roma güləşi paytaxtımızla yanaşı, bölgələrdə də inkişaf etdirilir. Bu idman növündə nailiyyətlərin ildən-ilə yüksəlməsi isə bunun bariz nümunəsidir.

Ölkəmizdə bu idman növü ilə məşğul olan yetərincə istedadlı idmançılar var. Belə idmançılardan biri də Məhəmməd Qulizadədir. 2011-ci il noyabrın 25-də Bakı şəhərində anadan olan Məhəmməd iki ilə yaxındır ki, Sumqayıt şəhər 33 saylı məktəbin idman zalında güləşin sirlərinə yiyələnir. Sərbəst güləşlə məşğul olan yeniyetmə idmançı artıq öz uğurları ilə fərqlənib. Yaşının az olmasına baxmayaraq o, bir neçə dəfə sərbəst güləş üzrə yeniyetmələr arasında birincilik yarışında 3-cü yerə sahib çıxıb.

Məhəmməd Qulizadənin ən böyük arzusu ölkəmizin sayılıb-seçilən güləşçilərindən biri olmaq, Azərbaycan millisinin tərkibində dünya və Avropa çempionatlarında, Olimpiya Oyunlarında uğurlu çıxış edərək, bayrağımızı yüksəklərə qaldırmaqdır. O, bunun üçün həftə ərzində təşkil olunan məşqlərdə səylə hazırlaşır, məşqçilərin verdiyi tapşırıqları dəqiqliklə yerinə yetirir.

Məhəmmədin məşqçiləri Nicat Alverdiyev və Namiq İmanov onun gələcəkdə Azərbaycanın sərbəst güləş üzrə milli komandasının əsas simalarından biri olacağına inanırlar.

Biz də “Olimpiya dünyası” qəzeti olaraq, azyaşlı idmançımıza inanır, ona gələcək yarışlarda daha böyük uğurlar əldə etməyi arzulayırıq. İnanırıq ki, növbəti illərdə onun əldə edəcəyi nailiyyətlərdən qəzetimizdə yazılar hazırlayacağıq.

Azər Əlizadə

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR