Azər Əliyev: “Azərbaycan son illərdə bir çox böyük idman tədbirlərinin ön sıralarında yer alıb”

BOK

09.03.2024, 14:16

“Azərbaycan Milli Olimpiya Komitəsi adından Sizi gözəl Qusar bölgəsində, Şahdağda salamlayıram. Bildiyiniz kimi, Azərbaycan son illərdə bir çox böyük idman tədbirlərinin ön sıralarında yer alıb”.

Bu sözləri Milli Olimpiya Komitəsinin baş katibi Azər Əliyev bu gün Şahdağda keçirilən beynəlxalq xizək alpinizmi üzrə yarışın açılış mərasimindəki çıxışında deyib.

Ölkəmizin bir sıra mötəbər idman tədbirlərinə ev sahibliyi etdiyini deyən MOK-un baş katibi Azər Əliyev bu yarışın da uğurla başa çatacağına ümid etdiyini bildirib.

“2015-ci ildə tarixdə ilk dəfə olaraq I Avropa Oyunları Bakıda keçirildi. Azərbaycanda bir çox idman tədbirləri, eləcə də müxtəlif idman növləri üzrə çoxsaylı Avropa və dünya çempionatları təşkil olunub. Bu yarışın keçirilməsi də bizim üçün tarixi bir gündür. Çünki Şahdağda ilk dəfə olaraq qış idman növləri üzrə beynəlxalq səviyyəli yarış keçirilir. Xizək alpinizmi dinamik yeni idman növüdür. Ümid edirəm ki, bu yarışı Şahdağda keçirməklə bu idman növünün Azərbaycanda populyarlığını artıra bilərik. Beynəlxalq Xizək Alpinizm Federasiyasına etimad və dəstəyə, həmçinin bu tədbirə ev sahibliyi etmək imkanına görə minnətdarlığımı bildirirəm. Bütün iştirakçılara uğurlar arzulayıram”, - deyə Azər Əliyev qeyd edib.

Məlumat üçün bildirək ki, Beynəlxalq Xizək Alpinizm Federasiyası (ISMF), Qış idman Növləri Federasiyası və “Şahdağ” Turizm Mərkəzinin birgə təşkilatçılığı ilə keçirilən “Şahdağ” Beynəlxalq Xizək Alpinizmi yarışında 11 ölkənin 60-dək idmançısı iki gün ərzində birincilik uğrunda mübarizə aparacaq.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR