Dilqəm Quliyev: “Hesab edirəm ki, bu şərəfli işin öhdəsindən gələ bildim”

BOK

19.03.2024, 12:12

Xəbər verdiyimiz kimi, pedaqogika üzrə elmlər doktoru, professor Dilqəm Quliyevin “İkinci Qarabağ müharibəsinin şəhid idmançıları” adlı yeni kitabı işıq üzü görüb. Milli Olimpiya Komitəsinin mətbuat katibi, “Olimpiya dünyası” qəzetinin baş redaktoru, Əməkdar jurnalist, “Tərəqqi” medallı Murad Fərzəliyevin elmi redaktorluğu ilə 7 yarımfəsli özündə birləşdirən monoqrafiya 3 fəsildən, rus və ingilis dillərində xülasədən, 63 istifadə edilmiş ədəbiyyat siyahısından ibarətdir. Monoqrafiyada İkinci Qarabağ Müharibəsində şücaət göstərmiş və qəhrəmancasına şəhid olmuş idmançılarımız barədə yazılıb. Bu günlərdə redaksiyamızın qonağı olan kitabın müəllifi Dilqəm Quliyevlə həmsöhbət olduq. Müsahibimizlə şəhid idmançılarımız haqqında yazılan kitabın ərsəyə gəlməsi barədə məlumat verdi. Həmin müsahibəni oxuculara təqdim edirik.

- Dilqəm müəllim, bu yaxınlarda müəllifi olduğunuz “İkinci Qarabağ müharibəsinin şəhid idmançıları” adlı monoqrafiya işıq üzü görüb. Kitab barədə ətraflı məlumatı müəllifin öz dilindən eşitmək yaxşı olardı. - Monoqrafiyanı yazmaqda əsas məqsədim Azərbaycanın ərazi bütövlüyü, dövlət müstəqilliyi və suverenliyi uğrunda şəhid olmuş idmançılarımızın xatirəsini ehtiramla yad etmək və bu həqiqətləri yetişməkdə olan nəsillərə çatdırmaqdır. Oxucular bu monoqrafiya vasitəsilə şəhid valideynlərinin, müəllimlərinin, yaxın qohumlarının və əsgər yoldaşlarının xatirələri ilə tanış olacaqlar. Əminəm ki, bu monoqrafiya gənc nəslin vətənpərvərlik tərbiyəsində mühüm rol oynayacaq və Vətən müharibəsi haqqında biliklərini zənginləşdirməkdə faydalı mənbə olacaq.

- Yəqin ki, bu materialların toplanması asan başa gəlmədi. - Təbii ki, belə bir məsuliyyətli iş asan başa gələ bilməzdi. Kitabı demək olar ki, 4 ay ərzində yazıb, hazırladım. Bu monoqrafiyanın hazırlanması zamanı şəhidlərin valideynləri, yaxınları, dostları ilə həmsöhbət olmuşam. Nə qədər ağrılı-acılı olsa da, hesab edirəm ki, bu şərəfli işin öhdəsindən gələ bildim. Qeyd edim ki, ikinci Vətən müharibəsində idmançılardan 1402 nəfər iştirak edib ki, onlardan da 367 nəfəri şəhid olub, 158 nəfəri yaralanıb. Bu monoqrafiyada soyadları əlifba sırası ilə başlayan 332 nəfər şəhid idmançılar haqqında məlumatlar yer alıb. Şəhidlərin siyahısı Azərbaycan Respublikası Müdafiə Nazirliyinin son rəsmi məlumatları əsasında tərtib olunub. “Təltifləri” bölməsində hər bir şəhidə verilmiş orden və medalların siyahısı Prezidentin müvafiq sərəncamlarına istinadla fərdi olaraq dəqiqləşdirilib.

- Dilqəm müəllim, müəllifi olduğunuz “Qarabağın idman tarixi” adlı kitabınızın təqdimatı Şuşa şəhərində olmuşdu. Yeni çapdan çıxan monoqrafiyanın təqdimatının işğaldan azad olunmuş bölgələrdə keçirilməsi nəzərdə tutulurmu? - Əvvəlcə onu bildirim ki, bu günə kimi dövlət tərəfindən 2013-cü ildə Milli Olimpiya Komitəsinin inzibati binasında ümummilli lider Heydər Əliyevin 90 illik yubileyi münasibəti ilə nəşr olunmuş “Azərbaycanın idman tarixində Heydər Əliyev mərhələləri”, 2018-ci ildə “Azərbaycan Xalq Cümhuriyyətinin 100 illiyində bədən tərbiyəsi və idmanın inkişafı” (1918-2018), 2022-ci ildə Şuşa şəhərində “Qarabağın idman tarixi”, 2023-cü il “Təhsildən səngərə - səngərdən əbədiyyətə” (Qarabağ müharibəsində İdman Akademiyasının şəhidləri) təqdimatı olub. O ki qaldı yeni nəşr olunmuş “İkinci Qarabağ müharibəsinin şəhid idmançıları” adlı monoqrafiyanın təqdimatın keçirilməsinə, bu, mənim səlahiyyətimdə deyil. Lakin çox istərdim ki, həmin kitabın da təqdimatını işğaldan azad olunmuş gözəl guşələrimizdən birində keçirəm.

- Gələcəkdə hansı kitabların çap olunmasını nəzərdə tutmusunuz? - Gələcəkdə çap olunan kitablardan “İlham Əliyevin 44 günlük zəfər salnaməsi”, “İlham Əliyevin 20 illik idman uğurları”, “Qərbi Azərbaycan idmanı”, “Ermənilərin Anadolu türklərinə qarşı törətdikləri soyqırımlar”, “Soyqırım: tarixi həqiqətlər”, “Azərbaycanda atletikanın inkişaf tarixi” (1923-2023) (dərs vəsaiti) kitabların üzərində çalışıram. Bundan başqa həmçinin magistratura pilləsi üçün nəzərdə tutulan Azərbaycan Dövlət Bədən Tərbiyəsi və İdman Akademiyasının “İdmanın təkmübarizlik növləri” kafedrasının əməkdaşları ilə həmmüəllifi olduğum yunan-Roma güləşi üzrə “İdman məşqinin nəzəriyyəsi və metodikası”, “Sərbəst güləş” ixtisas kursundan magistr təhsili”, “Olimpiya təhsili ilə bağlı təlim materiallarının öyrədilməsi yolları” adlı dərs vəsaitləri və başqa kitabların çap olunması da nəzərdə tutulub.

Azər Əlizadə

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR