Bakıda yeniyetmə boksçular arasında “Heydər Əliyev kuboku-2024” beynəlxalq turniri davam edir. Azərbaycan Boks Federasiyasının mətbuat xidmətindən verilən məlumata görə, yarışın ikinci günündə 6 çəki dərəcəsində 18 döyüş keçirilib.
60 kq və 63 kq-da 1/8 final mərhələsi yekunlaşdığı halda, digərlərində 1/4 final mərhələsinin görüşləri baş tutub. Döyüşlərdə Azərbaycan millisinin daha 8 boksçusu “Heydər Əliyev kuboku-2024”ə qələbə ilə başlayıb.
Boks Mərkəzində keçirilən ənənəvi turnirin üçüncü günündə 20 görüş keçiriləcək.
Qeyd edək ki, turnirin final döyüşləri mayın 18-də olacaq.
jpg-1720700530.jpg)
