Macarıstanda Eqer şəhərində gənc boksçular arasında keçirilən beynəlxalq turnirdə yarımfinal mərhələsinə yekun vurulub.
Azərbaycan Boks Federasiyasının mətbuat xidmətindən verilən məlumata görə, finala gedən yolda Azərbaycan millisinin 2 idmançısı da mübarizə aparıb.
60 kq çəki dərəcəsində Tağı Nəsibov yerli Daniel Frankla qarşılaşıb. Hər 3 raundu xeyrinə bitirən boksçumuz 5:0 (30:26, 30:26, 30:26, 29:27, 30:26) hesabı ilə qələbə qazanaraq finala vəsiqə əldə edib. Boksçumuz həlledici görüşdə özbəkistanlı Abdulaziz Jurakulovla qarşılaşacaq.
71 kq-da Abbasqulu Şadlinskinin də döyüşü uğurlu alınıb. Yarımfinalda Rastislav Aniskodan (Slovakiya) güclü olan (5:0) boksçumuz finalda macarıstanlı Arpad Jamborla qarşılaşacaq.
Qeyd edək ki, final görüşləri bu gün keçiriləcək.
jpg-1735119450.jpg)
