Paraatletika üzrə Azərbaycan milli komandası Yaponiyanın Kobe şəhərində təşkil edilən dünya çempionatında tarixi uğura imza atıb.
Azərbaycan Milli Paralimpiya Komitəsinin mətbuat xidmətindən verilən məlumata görə, yarışı ümumilikdə 4 qızıl mükafatla başa vuran yığmamız ilk dəfə çempionatda medal əyarına görə belə nəticə göstərib.
Bunadək ən yaxşı göstərici 2011-ci ildə Yeni Zelandiyada keçirilmiş dünya çempionatında (3 qızıl, 1 gümüş və 2 bürünc medal) qeydə alınıb.
Qeyd edək ki, Yaponiyadakı yarışda Lamiyə Vəliyeva (T13) 100 metr və 400 metr məsafəyə qaçışda, Orxan Aslanov (T13) və Səid Nəcəfzadə (T12) isə uzunluğa tullanma üzrə yarışda qızıl medal qazanıblar.
jpg-1715855833.jpg)
jpg-1718869240.jpg)
