Paris-2024 Yay Olimpiya Oyunları çərçivəsində keçirilən boks yarışları davam edir. Boks yarışlarının ikinci günündə komandamızın bayraqdarı Məhəmməd Abdullayev mübarizəyə başlayıb. +92 kq çəki dərəcəsində qüvvəsini sınayan idmançımız 1/8 finalda Almaniyadan olan Nelvi Raman Tiafakla üz-üzə gəlib. Görüş rəqib idmançının qələbəsi ilə başa çatdığından boksçumuz Paris-2024-də çıxışını başa vurub.
Bu gün axsam seansında boks millimizin daha bir üzvü Malik Həsənov rinqə çıxacaq. İdmançımızın rəqibi gürcüstanlı Laşa Quruli olacaq.
Qeyd edək ki, Azərbaycan komandası Paris Olimpiadasının boks yarışlarında 5 idmançı ilə təmsil olunur.
jpg-1724746672.jpg)
