Paris-2024 Yay Olimpiya Oyunları çərçivəsində keçirilən 3x3 basketbol yarışları davam edir. Azərbaycanın qadınlardan ibarət 3x3 basketbol millisi bu gün növbəti oyununa çıxıb. Komandamız III turda Fransa basketbolçuları ilə üz-üzə gəlib. Oyun rəqib komandanın 10:15 hesablı qələbəsi ilə başa çatıb.
Komandamız növbəti oyununu bu gün Almaniya kollektivinə qarşı keçirəcək. Görüş Bakı vaxtı ilə saat 20:30-da başlayacaq.
Xatırladaq ki, 3x3 basketbol komandamız ilk turda İspaniyaya 16:18 hesabı ilə uduzub, növbəti qarşılaşmada basketbolun yaradıcıları sayılan ABŞ millisi üzərində 20:17 hesablı qələbə qazançmışdı.
