Paris-2024 Yay Olimpiya Oyunları çərçivəsində keçirilən boks yarışları davam edir. Oyunlarda ölkəmizi təmsil edən Alfonso Dominqes (92 kq) yarımfinal görüşünə çıxıb. Boksçumuz finala vəsiqə uğrunda görüşdə ispaniyalı Enmanuel Reyes Pla ilə qarşılaşıb. Görüş boksçumuzun qələbəsi ilə başa çatıb -4:1 (28:29, 29:28, 29:28, 29:28, 30:27). Bununla da boksçumuz ardıcıl üçüncü qələbəsini qazanaraq final mərhələsinə vəsiqə əldə edib.
Final görüşü avqustun 9-da təşkil olunacaq.
Qeyd edək ki, Tokio-2020-də bürünc medal qazanan Alfonso Dominqes Azərbaycan idman tarixinə iki Olimpiya medalı qazanan ilk boksçu kimi düşüb.
