Paris-2024 Yay Olimpiya Oyunlarında atletikanın çəkicatma növü üzrə final mərhələsinin qalibləri müəyyənləşib.
Təsnifat yarışlarında 72,55 m nəticə ilə 32 atlet arasında 6-cı olan atletimiz Anna Skidan da final mərhələsində mübarizə aparıb. 12 idmançının yer aldığı final mərhələsində atletimiz ilk 3 cəhdinin yekununda 73.27 metr nəticə ilə 6-cı olub və mübarizəni davam etdirən ilk “səkkizliy”ə düşüb. Növbəti 3 cəhdində göstəricisini yaxşılaşdıraraq 73.66 metrə çatdıran Anna Skidan Paris-2024 Yay Olimpiya Oyunlarında yeddinci yeri tutub.
Yarışın qalibi adını isə 76,97 m göstərici ilə hamını qabaqlayan kanadalı Kemrin Rocers qazanıb.
Qeyd edək ki, özünün üçüncü olimpiadasında iştirak edən Anna Skidan Rio-2016 və Tokio-2020-də final mərhələsinə yüksələ bilməyib.
