Sabah Paris-2024 Yay Olimpiya Oyunlarında sərbəst güləş yarışlarına start veriləcək. İlk yaış günündə iki idmançımız Əliabbas Rzazadə (57 kq) və Osman Nurmaqomedov (86 kq) xalça üzərinə çıxacaq. Bu gün keçirilən püşkatma mərasimində idmançılarımızın ilk rəqiblərinin adlarına aydınlıq gəlib. Belə ki, Əliabbas Rzazadə 1/8 finalda özbəkistanlı Qulomjon Abdullayevlə qarşılaşacaq. Osman Nurmaqomedovun isə 1/8 finalda ilk rəqibi monqolustanlı Baasanyarqal Byambasuren olacaq.
Qeyd edək ki, sərbəst güləş millimiz Paris-2024-ə 6 idmançı ilə yollanıb.
