Paris-2024 Yay Olimpiya Oyunları çərçivəsində sərbəst güləş yarışlarının ikinci günündə medal qazanan idmançıların mükafatlandırma mərasimi keçirilib.
Mərasimdə üçüncü yeri tutan güləşçimiz Giorgi Meşvildişviliyə (125 kq) Paris-2024-ün bürünc medalı təqdim edilib.
Qeyd edək ki, 1/8 finalda misirli Diaeldin Abdelmottalebə, 1/4 finalda isə monqolustanlı Lxaqvaqerel Munxtura qalib gələn güləşçimiz yarımfinalda gürcüstanlı Geno Petriaşviliyə uduzub. Üçüncü yer uğrunda görüşdə isə pəhləvanımız polşalı Robert Baranı məğlub edərək Paris-2024-ün bürünc medalına sahib çıxıb.
