Bolqarıstanın "Ludoqorets" klubunun baş məşqçisi Georgi Dermenciyev istefaya göndərilib.
Klub rəhbərliyi bolqar mütəxəssislə UEFA Çempionlar Liqasının III təsnifat mərhələsinin cavab matçında Azərbaycan təmsilçisi "Qarabağ"a 2:7 hesablı məğlubiyyətdən sonra yollarını ayırıb.
Qeyd edək ki, daha əvvəl bir neçə dəfə "Ludoqorets"də çalışan G.Dermenciyev 2023-cü ildə kluba qayıdıb. Bakıdakı ilk görüşdə Bolqarıstan çempionu qələbə qazanmışdı - 2:1.
