Şahmat üzrə 16-cı dünya çempionu, dünya reytinqinin lideri, norveçli qrossmeyster Maqnus Karlsen gələcək planlarından danışıb. O, karyerasını başa vurduqdan sonra siyasətçi olmağı planlaşdırmır.
“Düşünürəm ki, mənim üçün siyasətlə bağlı əsas problem təbiətcə özünəqapalı olmağımdır. Ona görə də insanlarla davamlı ünsiyyətdə çətinlik çəkirəm. Mən mütləq ailə həyatı qurmaq istəyirəm. Amma karyeramı bitirdikdən sonra başqa nə edəcəyimi bilmirəm. Mənə elə gəlir ki, konkret məqsədlərə ehtiyacım yoxdur. Amma həyat gözəldir”, - “The Guardian” Karlsenin sözlərindən sitat gətirir.
Xatırladaq ki, daha əvvəl 33 yaşlı Karlsen FİDE-nin rəsmi reytinqinə başçılıq edən ən gənc şahmatçıdır. Reytinqdə birinci pilləyə yüksələn zaman onun 19 yaşı var idi.
