Tiene Vertommen: “Azərbaycanda təhlükəsiz idmana nə qədər ciddi yanaşıldığının şahidi oldum”

Olimpizm xəbərləri

25.10.2024, 16:53

Beynəlxalq Olimpiya Komitəsinin (BOK) Təhlükəsiz idman bölməsinin məsləhətçisi xanım Tiene Vertommen ölkəmizdə səfərdə olub.

Belçikalı mütəxəssis üçgünlük səfər müddətində “Təhlükəsiz idman” layihəsinin komandası ilə müzakirələr aparıb.

O, paytaxtımıza səfəri çərçivəsində bir sıra yerli federasiyalarla, idman qurumları, o cümlədən UNICEF nümayəndələri ilə təşkil olunan görüşlərdə iştirak edib.

Xanım Tiene Vertommen səfərinin sonuncu günündə Milli Olimpiya Komitəsinin rəsmi saytı "Olympic.az" və “Olimpiya dünyası” qəzeti ilə səfər təəssüratlarını bölüşüb.

Təcrübəli mütəxəssis Milli Olimpiya Komitəsinin Təhlükəsiz idman məsələsinə ciddi yanaşdığının şahidi olduğunu qeyd edib.

“Burada olduğum müddətdə hiss etdim ki, Milli Olimpiya Komitəsi Azərbaycanda təhlükəsiz idmanın geniş təşəkkül tapması, bu anlayışın daha da geniş vüsət alması üçün bütün imkanlarından istifadə etməyə hazırdır. Milli Olimpiya Komitəsinin Təhlükəsiz idman məsələsində rolunu iki istiqamətdə görürəm. Birinci istiqamət olaraq Milli Olimpiya Komitəsi komitə daxilində və Olimpiya Hərəkatı çərçivəsində təhlükəsiz idmanın siyasət kimi formalaşmasını təmin edir. İkinci istiqamət isə komitənin yerli federasiyalara bu siyasətin formalaşmasında kömək etməsidir ki, onlar da gündəlik fəaliyyətlərində təhlükəsiz idman məsələlərinə riayət etsinlər. Mən həm Milli Olimpiya Komitəsinin əməkdaşları, həm də yerli federasiyaların nümayəndələri və məşqçilərlə görüşlər keçirmişəm. Azərbaycanda təhlükəsiz idmana nə qədər ciddi yanaşıldığının şahidi oldum. Federasiya nümayəndələrinin və məşqçiləri maraqlandıran suallar bunu deməyə əsas verir”, - deyə Tiene Vertommen deyib.

Belçikalı mütəxəssis uzun müddət Avropada da bu məsələyə etinasız yanaşıldığını qeyd edib. O, Azərbaycanda bu məsələnin hər federasiyada müxtəlif səviyyədə olduğunu bildirib.

“Azərbaycanda təhlükəsiz idman məsələsi federasiyalarda səviyyəsinə görə fərqlənir. Hansısa federasiyada bu ilkin səviyyədədirsə, elə federasiyalar da var ki, orada bu məsələ orta səviyyədədir. Təhlükəsiz idmanı təcrübədə tətbiq etmək də önəmlidir. Ona görə də Azərbaycanda bu istiqamətdə idmançılara qarşı olan zorakılıq, şiddət və digər halların qarşısının alınması ilə bağlı cavab tədbirləri görülməlidir. Biz bu məsələni həm rəhbərlik, həm də məşqçilərlə müzakirə etdik. Beynəlxalq federasiyaların bu istiqamətdə böyük təcrübəsi var. Azərbaycan da mövcud təcrübədən istifadə edə bilər. İstər Beynəlxalq Cüdo Federasiyası, Gimnastika Federasiyası, istərsə də Su İdman Növləri üzrə müəyyən təlimat qaydaları var ki, Azərbaycan bunlardan istifadə edə bilər. Beynəlxalq miqyasda müxtəlif şablonlar olsa da, onu Azərbaycan reallıqlarına uyğunlaşdırmaq lazımdır. Bu müsbət təcrübələri Azərbaycan reallıqlarına uyğunlaşdırılması da görüləcək işlər arasındadır. Mən təhlükəsiz idman məsələsi ilə bağlı Milli Olimpiya Komitəsinə gələcəkdə AMADA, Azərbaycan İdman Akademiyası və UNICEF ilə birgə əməkdaşlıq etməyi tövsiyə edərdim. Bu təşkilatla görüşlərdən yüksək təəssüratla ayrıldım. Hər üç təşkilatda bu işə böyük diqqət və həvəs var. Düşünürəm ki, onlarla bu sahədə əməkdaşlıq faydalı olacaq. Mən bu səfərlə bağlı icmal xarakterli hesabat da hazırlayacağam. Təbii ki, bu hesabatı Milli Olimpiya Komitəsi ilə də paylaşacağam”, - deyə təcrübəli mütəxəssis qeyd edib.

Dİgər xəbərlər

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

16.02.2026, 17:56

Niderlandlı idmançılar ilk iki yeri əldən vermədilər

SON XƏBƏRLƏR

BÜTÜN XƏBƏRLƏR