MOK-da II Təhlükəsiz İdman Forumu keçirilib

Olimpizm xəbərləri

13.12.2024, 13:57

Dekabrın 13-də Milli Olimpiya Komitəsinin inzibati binasında ll Təhlükəsiz İdman Forumu keçirilib.

Tədbirdə Milli Olimpiya Komitəsinin vitse-prezidentləri Çingiz Hüseynzadə, Zemfira Meftaxetdinova, Gənclər və idman nazirinin müavini Mariana Vasileva, Olimpiya mükafatçılarımız və yerli idman federasiyalarının nümayəndələri iştirak ediblər.

Forumun əvvəlində Azərbaycanda təşkil olunan ilk Təhlükəsiz İdman Forumundan bəhs edən videoçarx nümayiş edilib.

Sonra Beynəlxalq Olimpiya Komitəsinin Təhlükəsiz İdman şöbəsinin müdiri xanım Kirsti Barrousun Forum iştirakçılarına video təbriki səslənib.

O, çıxışında bildirib ki, belə mötəbər tədbirin təşkilində Azərbaycan Milli Olimpiya Komitəsi xüsusi fəallıq nümayiş etdirir. Təhlükəsiz İdman sahəsində ölkəmizin lider olduğunu qeyd edən BOK nümayəndəsi bildirib ki, təkcə bu ilin oktyabr ayında Azərbaycanda bu mövzuda xüsusi tədbirlər keçirib. Vurğulanıb ki, BOK bütün üzv ölkələrdə olduğu kimi, Azərbaycanda da Təhlükəsiz İdman mühitinin yaranmasında maraqlıdır.

Xanım Kirsti Barrousun çıxışından sonra təqdimatlar olub.

Milli Olimpiya Komitəsinin idman idarəsinin baş məsləhətçisi, Təhlükəsiz idman üzrə Beynəlxalq Olimpiya Komitəsinin setifikatlaşdırılmış mütəxəssisi Vaqif Əliyev Təhlükəsiz idman hamı üçün - siyasət və prosedurlar mövzusunda çıxış edib. Kaliforniya Universitetinin nümayəndəsi Daniela Neqreda Avropa Birliyinin Təhlükəsiz idman üzrə BESST (Building European Safe Sport Together) mövzusunda layihənin mahiyyətindən danışıb.

Azərbaycan Gimnastika Federsiyasının nümayəndəsi idmanda insan hüquqlarının müdafiəsi barədə Forum iştirakçılarına geniş məlumat verib.

Azərbaycan Cüdo Federasiyasının təhsil üzrə meneceri, "Gənc psixoloqlar" İctimai Birliyinin sədri Orxan Oruczadə Forumdakı təqdimatında elit idmançılar və psixoloji sağlamlıq xidmətləri mövzusunda öz fikirlərini bildirib.

UNİCEF-in Azərbaycan nümayəndəliyinin Uşaq müdafiəsi proqramının rəhbəri Vüqar Salmanov da Forumda çıxış edib. O, təqdimatında Uşaqların zorakılıqdan müdafiəsində UNİCEF-in rolu və gələcəyə baxışı mövzusunda Forum iştirakçılarına məlumat verib.

Monteneqro Milli Olimpiya Komitəsinin baş katibinin müavini Maya Pekoviç Forumda onlayn çıxış edib. Xanım Pekoviç idmanda təhlükəsizliyin prioritetləşdirilməsi mövzusundan danışıb.

Dİgər xəbərlər

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

16.02.2026, 17:56

Niderlandlı idmançılar ilk iki yeri əldən vermədilər

SON XƏBƏRLƏR

BÜTÜN XƏBƏRLƏR