Bu gün qadın voleybolçular arasında Yüksək Liqada növbəti turun oyunları keçirilib. Turun ilk oyunu Gənclər və İdman Nazirliyinin Voleybol Mərkəzində təşkil olunub. “Murov Az Terminal” komandası “Abşeron”la üz-üzə gəlib. 3 set davam edən matçda “Abşeron” 3:0 hesablı qələbə qazanıb.
Eyni məkanda keçirilən günün ikinci oyununda “Azərreyl” və “Gəncə” komandaları qarşılaşıb. Meydan sahibindən üstün olan qonaqlar 0:3 hesabı ilə qalib gəliblər.
UNEC VK-nın idman zalında təşkil olunan V turun digər görüşündə isə “Milli Aviasiya Akademiyası” klubu UNEC üzərində 3:0 hesabı ilə qələbə qazanıb.
Qeyd edək ki, qadın voleybolçuların Yüksək Liqasında VI turun oyunları yanvarın 15-də keçiriləcək.
jpeg-1736407840.jpeg)
jpg-1734007141.jpg)
