“Alpine” komandası Franko Kolapinto ilə müqavilə imzalayıb. Bu barədə Fransa komandasının mətbuat xidməti məlumat yayıb. Bildirilir ki, argentinalı pilot yarış komandasına sınaq və ehtiyat sürücü kimi qoşulacaq.
Qeyd edək ki, 21 yaşlı Kolapinto Formula 1-də Niderland Qran Prisindən sonra Loqan Sargenti əvəzləyərək, “Williams” komandası üçün yarışmışdı. Lakin o, Britaniya komandasında rəqabətə davam gətirə bilməmişdi. Çünki komandanın Aleks Albon və Karlos Saynz kimi pilotları var.
“Alpine” komandası keçən mövsümü sürücülərin ümumi hesabında altıncı yerdə başa vurmuşdu.
