Azərbaycan atleti Nazim Babayev İspaniyanın Sabadell şəhərində keçirilən uzunluğa tullanma üzrə beynəlxalq yarışda uğurla çıxış edib.
Azərbaycan Atletika Federasiyasının mətbuat xidmətindən verilən məlumata görə, idmançımız yarışda bürünc medala sahib çıxıb. Uzunluğa tullanma növündə mübarizə aparan Nazim Babayev bu uğura 7,44 metr nəticə ilə nail olub. Beləliklə, idmançımız iştirak etdiyi ilin ilk yarışında mükafatçılar sırasında yer alıb.
