Voleybol üzrə Azərbaycan Yüksək Liqalarında XVI turun proqramı müəyyənləşib.
Azərbaycan Voleybol Federasiyasının mətbuat xidmətindən verilən məlumata görə, qadınların yarışında oyunlar martın 18-də təşkil olunacaq. UNEC - “Murov Az Terminal” və “Abşeron” - “Gəncə” matçları saat 16:00-da start götürəcək. Saat 18:00-da isə "Azərreyl" - “Milli Aviasiya Akademiyası” qarşılaşması başlayacaq. Birinci görüş UNEC-in idman zalında, digərləri isə Gənclər və İdman Nazirliyinin Voleybol Mərkəzində gerçəkləşəcək.
Kişilərin mübarizəsində isə oyunlar martın 19-da keçiriləcək. “Xilasedici” - “Gənclər” matçı saat 16:00-da Fövqəladə Hallar Nazirliyinin idman zalında başlayacaq.
Eyni saatdakı MOİK - "Murov Az Terminal" və 18:00-da start götürəcək "Azərreyl" - "Neftçi" görüşləri Gənclər və İdman Nazirliyinin Voleybol Mərkəzində keçiriləcək.
Yüksək Liqa yarışlarında XVI turun oyunları keçiriləcək
Yüksək Liqa (qadınlar)
18 mart
XVI tur
16:00. UNEC - “Murov Az Terminal”
Ünvan: UNEC VK-nın idman zalı
16:00. “Abşeron” - “Gəncə”
18:00. “Azərreyl" - “Milli Aviasiya Akademiyası”
Ünvan: GİN-nin Voleybol Mərkəzi
Yüksək Liqa (kişilər)
19 mart
XVI tur
16:00. “Xilasedici” - “Gənclər”
Ünvan: FHN-nin idman zalı
16:00. MOİK - “Murov Az Terminal”
18:00. “Azərreyl" - “Neftçi”
Ünvan: GİN-nin Voleybol Mərkəzi
