Xəbər verdiyimiz kimi Münhen "Bayern"nin hücumameyilli yarımmüdafiəçisi Camal Musiala klublararası dünya çempionatında PSJ ilə matçda ayağından ciddi zədə alıb.
Olimpnews.az xəbər verir ki, uğurlu əməliyyatdan sonra Musiala sosial şəbəkə hesabında video yayımlayıb. O, göstərilən dəstəyə görə hər kəsə təşəkkür edib. Musiala PSJ-nin qapıçısı Canluici Donnarummanı aldığı zədəyə görə günahlandırmadığını vurğlayıb. İtaliyalı qapıçı ilə toqquşmadan sonra zədələnən Camal bu sözləri səsləndirib: "Heç kim günahkar deyil. Bu vəziyyətlə hər kəs qarşılaşa bilər".
Qeyd edək ki, almaniyalı futbolçu zədə səbəbindən komandasının avqustun 16-da Almaniya Superkubokunda “Ştutqart”a qarşı keçirəcəyi matçı buraxmalı olacaq.
