Bakıda keçiriləcək nüfuzlu idman tədbirinin yeni tarixləri müəyyənləşib

Olimpiya dünyası

06.05.2026, 16:42

Bakıda qlobal idman ictimaiyyətinin ən nüfuzlu tədbirlərindən biri olan “SportAccord” Konvensiyasının keçiriləcəyi yeni tarixlər müəyyənləşib.

Olimpnews.az xəbər verir ki, Bakı Şəhər Halqasından verilən məlumata görə, 120-dən çox beynəlxalq federasiyanı birləşdirən tədbir gələn il mayın 9–13-də təşkil olunacaq.

2026-cı il üçün nəzərdə tutulan tarixlərdə edilmiş dəyişikliklərə uyğun olaraq, “SportAccord” və Azərbaycandakı tərəfdaşlar tədbirin bütün iştirakçılar üçün ən yüksək səviyyədə təşkil olunması məqsədilə yeni tarixlərin müəyyənləşdirilməsi istiqamətində sıx əməkdaşlıq ediblər. Beləliklə, paytaxt Bakı Beynəlxalq Olimpiya Komitəsi, beynəlxalq federasiyalar, ev sahibi şəhərlər, media və yayım tərəfdaşları, eləcə də idman sənayesinin aparıcı nümayəndələrini bir araya gətirərək son illərin ən çox gözlənilən konvensiyalarından biri üçün xüsusi platformaya çevriləcək.

“SportAccord”un prezidenti Uğur Erdener bildirib ki, Bakı onun üçün xüsusi əhəmiyyət daşıyır: “Əminəm ki, bu şəhər konvensiyamızın növbəti tədbirini ən yüksək səviyyədə təşkil edəcək. Bu proses ərzində azərbaycanlı tərəfdaşlarımızın nümayiş etdirdiyi əməkdaşlıq xüsusi qeyd olunmalıdır. Biz konvensiyanın qlobal idman hərəkatı üçün rolunu və əhəmiyyətini daha da inkişaf etdirməyə davam edirik. Bu baxımdan, tədbir “SportAccord” üçün də mühüm mərhələ olacaq”.

Gənclər və idman naziri Fərid Qayıbov isə deyib ki, “Dünya İdman Paytaxtı” olaraq Bakı bu mötəbər tədbirə hazırdır: “Azərbaycan beynəlxalq idman ictimaiyyətini qarşılamağı və “SportAccord” ilə davamlı tərəfdaşlığını əks etdirən bu tədbirə ev sahibliyi etməyi səbirsizliklə gözləyir. Əminik ki, mayın 9–13-ü beynəlxalq idmanın gələcəyi üçün mühüm mərhələ kimi yadda qalacaq”.

“SportAccord”, həmçinin cari il ərzində bir sıra təşəbbüslər üzərində fəaliyyətini davam etdirir və yaxın həftələrdə əlavə yeniliklərin açıqlanması nəzərdə tutulur. Eyni zamanda, təşkilat konvensiyanın gələcək tədbirləri ilə bağlı bir neçə digər şəhərlə müzakirələr aparır və qarşıdakı illər üçün əlavə ev sahibi şəhərlərin elan olunması planlaşdırılır.

Xatırladaq ki, daha əvvəl konvensiyanın bu il mayın 24–28-də keçirilməsi planlaşdırılırdı.

Dİgər xəbərlər

24.07.2026, 15:44

“Neftçi” İdman Klubu yeni loqosunu təqdim edib

22.07.2026, 00:38

Bu gün Milli Mətbuat Günüdür

$Milli Paralimpiya Komitəsi və \"Neftçi\" İdman Klubunun rəhbərliyi əməkdaşlıq perspektivlərini müzakirə edib$

21.07.2026, 18:03

Milli Paralimpiya Komitəsi və "Neftçi" İdman Klubunun rəhbərliyi əməkdaşlıq perspektivlərini müzakirə edib

16.07.2026, 23:24

Bakıda keçiriləcək U17 güləş üzrə dünya çempionatı: Azərbaycanın seçilməsinin başlıca səbəbləri

13.07.2026, 15:58

Avarçəkənimiz gümüş medal qazandı

13.07.2026, 10:52

Azərbaycan avarçəkənləri Potidə 18 medal qazanıblar

12.07.2026, 19:04

Beynəlxalq turnirin finalçıları ilə görüş olub

$\"Xüsusi olimpiya birləşmiş futbol dünya kuboku\"nun açılış mərasimi keçirilib$

07.07.2026, 13:51

"Xüsusi olimpiya birləşmiş futbol dünya kuboku"nun açılış mərasimi keçirilib

03.07.2026, 11:40

Fərid Qayıbov UNESCO-nun dopinqə qarşı konfransı çərçivəsində əməkdaşlıq məsələlərini müzakirə edib

01.07.2026, 16:32

Parabadmintonçularla görüş keçirilib

25.06.2026, 20:20

“Gələcəyə Doğru 2026” turniri keçirilib

24.06.2026, 18:00

“Xatirələrdə yaşayanlar” veteran idmançılar guşəsi keçmişlə gələcək arasında mənəvi körpü rolunu oynayacaq

SON XƏBƏRLƏR

BÜTÜN XƏBƏRLƏR