“El-Klasiko" öncəsi statistik mənzərə: "Barselona" və "Real Madrid" arasında tarixi rəqabət

$“El-Klasiko\" öncəsi statistik mənzərə: \"Barselona\" və \"Real Madrid\" arasında tarixi rəqabət$

Futbol

Bugün, 13:19

Bu gün "Barselona" və Madrid "Real"ı İspaniya La Liqasının 35-ci turu çərçivəsində üz-üzə gələcək.

Olimpnews.az xəbər verir ki, "Kamp Nou"da baş tutacaq "El-Klasiko" Bakı vaxtı ilə saat 23:00-da başlayacaq.

İndiyədək olan bütün rəsmi "El-Klasiko" görüşlərində "Barselona" klubu "Real Madrid"lə ümumilikdə 263 rəsmi oyunda üz-üzə gəlib. Rəqiblər arasında bütün turnirlər üzrə oynanılan son beş oyunda üstünlük əsasən katalonların tərəfindədir. Bu görüşlərdə bol qollu və gərgin mübarizə diqqət çəkib. "Barselona" 105, "Real Madrid" isə 106 qələbə qazanıb, 52 qarşılaşma heç-heçə ilə nəticələnib. Qol nisbəti madridlilərin cüzi üstünlüyü var -444:439.

La Liqa çərçivəsində isə 191 oyunun 76-da "Barselona", 80-də isə "Real Madrid" qalib gəlib.

Qeyd edək ki, ilk "El-Klasiko" 13 may 1902-ci ildə keçirilib və "Barselona" 3:1 hesablı qələbə qazanıb.

Bu gecəki qarşılaşma yalnız üç xal deyil, həm də çempionluq taleyi baxımından mövsümün həlledici oyunu olacaq.