"Lids Yunayted" tarixinin ən bahalı transferini reallaşdırdı

$\"Lids Yunayted\" tarixinin ən bahalı transferini reallaşdırdı$

Futbol

07.08.2026, 10:38

İngiltərə Premyer Liqasında çıxış edən "Lids Yunayted" klub tarixinin ən bahalı transferini rəsmiləşdirib.

Olimpnews.az xəbər verir ki, klub 23 yaşlı ingilis qapıçı Ceyms Traffordu heyətinə cəlb edib. Məlumata görə, transfer üçün "Mançester Siti" klubuna 45 milyon funt-sterlinq (təxminən 47 milyon avro) ödəniləcək. Bununla da Ceyms Trafford "Lids Yunayted" tarixinin ən bahalı transferi olub və klub rekordunu yeniləyib.

Tərəflər arasında 5 illik müqavilə imzalanıb. Razılaşmaya əsasən, "Mançester Siti" futbolçunun gələcək satışından əldə olunacaq mənfəətin 20 faizini alacaq. Bundan başqa, Mançester təmsilçisi qapıçı ilə bağlı üstün uyğunlaşdırma (matching) hüququnu da özündə saxlayıb.

Ceyms Trafford bu yay "Lids Yunayted"in heyətinə cəlb olunan üçüncü daimi transferdir. Bundan əvvəl klub Harri Uilson və Tarik Muharemoviçi də rənglərinə bağlayıb.