Abşeron və Hövsan Olimpiya İdman kompleksləri modul tipli xəstəxanaya çevrildi

Olimpizm xəbərləri

05.08.2020, 19:23

Yeni növ koronavirus (COVİD19) pandemiyasının yayılmasının qarşısının alınması və vaxtında qabaqlayıcı tədbirlərin həyata keçirilməsi sahəsində ölkə rəhbərliyinin müvafiq göstərişləri əsasında görülən işlərin davamı olaraq Azərbaycan Respublikası Gənclər və İdman Nazirliyinin tabeliyində olan Abşeron və Hövsan Olimpiya İdman komplekslərinin müvəqqəti xəstəxanaya çevrilməsi ilə bağlı qərar verilib.

Gənclər və İdman nazirliyi tərəfindən görülmüş işlərlə yaxından tanış olmaq üçün bu gün Azərbaycan Respublikasının Gənclər və İdman naziri Azad Rəhimov və “Tibbi Ərazi Bölmələrini İdarəetmə Birliyi” publik hüquqi şəxsin (TƏBİB) İdarə Heyətinin sədri Ramin Bayramlı baxış keçiriblər. Hövsan, eləcə də Abşeron Olimpiya İdman komplekslərinin təyinatının müvəqqəti dəyişdirilməsi işlərinə iyulun ilk həftəsindən başlanılıb. Hər iki kompleksdə xəstələrin müvafiq həcmdə bərabər və təhlükəsiz şəkildə oksigenlə təminatı üçün stansiyadan palatalara xüsusi tibbi borular çəkilib, binanın daxilində müasir paylayıcı avadanlıq quraşdırılıb. Çarpayı sayına uyğun olaraq palatalarda divar tipli oksigen ötürücü, tənzimləyici və nəmləndirici avadanlıq və maskalar quraşdırılıb. COVID-19 xəstələrinin müalicəsində zəruri olan oksigenin müvafiq həcmdə tam təmin edilməsi üçün qısa müddətdə Türkiyədən alınaraq komplekslərin hər-birinin ərazisində 54 kubmetr gücündə müasir oksigen istehsalı stansiyası quraşdırılıb. Stansiyada 75 kilovat gücündə kompressor, qurutma-soyutma qurğusu, 54 kubmetr (900 litr/saniyə) gücündə 95 faizdən artıq saflıqda oksigen təmin etmə imkanı olan oksigen generatoru, xüsusi filter dəstləri və digər avadanlığın da quraşdırılması təmin olunub. Eyni zamanda, stansiyada ehtiyat oksigen tutumları quraşdırılaraq onların avtomatik təchizata qoşulmasını təmin edən 150 kub-saat gücündə idarəetmə sistemi yaradılıb. Stansiyaları elektrik enerjisi ilə təmin etmək üçün yeni xətlər çəkilib. Ümumilikdə Hövsan və Abşeron Olimpiya İdman komplekslərinin binaları qaydalara uyğun şəkildə funksional zonalara bölünərək xəstələrin qəbulu və evə yazılması, tibb heyətinin binaya təhlükəsiz giriş-çıxışı, qida və digər malların qaydalara uyğun şəkildə qəbul edilməsi və paylanması üçün lazımi keçidlər (şlüzlər) yaradılıb. Binada dərman və dezinfeksiya vasitələrinin, tibb heyətinin qoruyucu vasitə və geyimlərinin, digər malların saxlanması üçün anbarlar, həkim otaqları, növbətçi tibb bacısı postları və digər zəruri otaqlar qurulub. Palatalar müvafiq sayda çarpayılar, rəflər, yataq dəstləri və dəsmallarla təchiz edilib. Məlumat verilib ki, komplekslərdə yaradılan şərait COVID-19 xəstələrinin müalicəsinin burada uğurla aparılmasına tam imkan verir.

Dİgər xəbərlər

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

16.02.2026, 17:56

Niderlandlı idmançılar ilk iki yeri əldən vermədilər

SON XƏBƏRLƏR

BÜTÜN XƏBƏRLƏR