“Vətən müharibəsi iştirakçılarının tanıdılması silsiləsi” adlı onlayn görüş olub

Olimpizm xəbərləri

28.01.2021, 13:14

Gəncə Şəhər Gənclər və İdman Baş İdarəsi və Gəncə Gənclər Evinin birgə təşkilatçılığı və gənclərin iştirakı ilə “Vətən müharibəsi iştirakçılarının tanıdılması silsiləsi” adlı layihə çərçivəsində onlayn tədbir təşkil olunub. Gəncə Şəhər Gənclər və İdman Baş İdarəsindən “Olimpiya dünyası” qəzetinə verilən məlumata görə tədbirin qonaqları İkinci Qarabağ Müharibəsinin qazisi Sərxan Yolçuyev, Ruzigar Abdullayev və kapitan Vüsal Qazıyev olublar. Görüş Gəncə Gənclər Evinin rəhbəri Amil Qurbanov, Gəncə Şəhər Gənclər və İdman Baş İdarəsinin gənclərlə iş sektorunun müdiri Rəşad Əlizadə, Gəncə Gənclər Evinin əməkdaşları, könüllülər və fəal gənclərin iştirakı ilə onlayn qaydada təşkil olunub. Tədbiri giriş sözü ilə açan Gəncə Gənclər Evinin rəhbəri Amil Qurbanov görüşün əhəmiyyətini və davamlı baş tutacağını qeyd edib. O, çıxışı zamanı Vətən müharibəsi iştirakçılarının tanıdılması məsələlərinin aktuallığını vurğulayıb. Sonra torpaqlarımızın bütövlüyü uğrunda gedən döyüşlərdə sinəsini düşmən gülləsinə sipər edən, qəhrəmancasına həlak olan şəhidlərimizin ruhu 1 dəqiqəlik sükütla yad edilib. Gəncə Şəhər Gənclər və İdman Baş İdarəsinin gənclərlə iş sektorunun müdiri Rəşad Əlizadə gənclərin vətənpərvər ruhda yetişdirilməsi mövzusunun vacibliyini bildirib. Vətən Müharibəsində könüllü olaraq iştirak edən qazimiz Sərxan Yolçuyev Azərbaycanın əsgərinin müharibədə döyüş meydanında göstərdiyi qəhrəmanlıqdan, torpaqlarımızı azad edəcəyimizə hər an inandığını qeyd edib. Bildirək ki, Vətən müharibəsinin qəhrəmanlarından biri olan Sərxan Yolçuyev Murovdağ uğrunda gedən döyüşlərdə ağır yaralanıb. Daha sonra Vətən Müharibəsinin iştirakçısı Ruzigar Abdullayev torpaq sevgisi ilə qəlbləri çırpınan və canından keçən döyüşçülərimizin igidliyindən və döyüş xatirələrindən danışıb. Vətən Müharibəsində Cəbrayıl, Qubadlı və Laçın rayonlarının azad olunmasında bölük komandirinin müavini vəzifəsində iştirak edən Vüsal Qazıyev müharibə xatirələrindən danışaraq, şəhidlərimizin, qanlı döyüşlərdə yaralanmış əsgər və zabitlərimizin igidliyini və fədakarlığını heç vaxt unutmayacağını qeyd edib. Qeyd edək ki, görüşdə 40 nəfərdən artıq gənc iştirak edib.

Dİgər xəbərlər

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

16.02.2026, 17:56

Niderlandlı idmançılar ilk iki yeri əldən vermədilər

SON XƏBƏRLƏR

BÜTÜN XƏBƏRLƏR