Polşanın “Legiya” komandasında çıxış edən Azərbaycan millisinin hücumçusu Mahir Emrelinin transfer qiyməti artıb. Bu barədə “Transfermarkt” məlumat yayıb.
Qeyd edilib ki, mövsümün əvvəlində transfer qiyməti 1 milyon avro olan M.Emrelinin Polşa komandasındakı uğurlu çıxışı onun transfer dəyərinə müsbət təsir göstərib. İyirmi dörd yaşlı forvardın transfer qiymətinin 2 milyon avro olduğu bildirilib.
Bununla da, millimizin üzvü Polşa Ekstraklasasının ən qiymətli futbolçularından ibarət ilk “10-luq”a daxil olub. O, komanda yoldaşı Bartoş Slişlə son iki yeri bölüşür.
Xatırladaq ki, Mahir Emreli yayda “Qarabağ”dan “Legiya”ya transfer olunub.
Mahir Emrelinin transfer qiyməti artdı
![Mahir Emrelinin transfer qiyməti artdı](https://olimpnews.az/uploads/img/posts/2021/10/18/MAhirjpg-1634561905.jpg)