Qadın voleybolçulardan ibarət Azərbaycan millisi Avropa çempionatının təsnifat mərhələsində mübarizəyə başlayıb. Eldar Yusubovun baş məşqçi olduğu yığmamız D qrupundakı ilk matçında Gürcüstan millisini qəbul edib. Bakı Voleybol Mərkəzində keçirilən görüş Azərbaycanın 3:0 (28:26, 25:11, 25:20) hesablı qələbəsi ilə başa çatıb.
Bu komandalar arasında növbəti görüş avqustun 28-də Gürcüstanda olacaq.
Qeyd edək ki, yığmamız Avro-2023-ün təsnifat oyunlarında D qrupunda Sloveniya, Gürcüstan və Avstriya millilərinə qarşı mübarizə aparacaq.
Ümumilikdə təsnifat mərhələsində 24 komanda 6 qrupa bölünüb. Qrupda birinci və ikinci olacaq kollektivlər final mərhələsinə yüksələcək.
Avro-2023-ün final mərhələsinə Belçika, İtaliya, Estoniya və Almaniya ev sahibliyi edəcək.
jpg-1734007141.jpg)
