Mariborda XVII Avropa Gənclər Olimpiya Festivalının açılış mərasimi keçirilib - FOTO

BOK

24.07.2023, 09:30

İyulun 23-də Sloveniyanın Maribor şəhərində XVII Avropa Gənclər Olimpiya Festivalının açılış mərasimi keçirilib. “Lyudski vrt” stadionunda keçirilən mərasimdə Sloveniya prezidenti Nataşa Pirts Musar, Avropa Olimpiya Komitəsinin prezidenti Spiros Kapralos və digər Olimpiya komitələrərinin rəhbər şəxsləri iştirak ediblər. Açılış mərasimində Sloveniyaın dövlət himni səsləndirilib və bayrağı qaldırılıb. 5000 mindən artıq azarkeşin arenadan birbaşa izlədiyi açılış mərasimində oyunların məşəlini sloveniyalı atlet Marovt və ölkə prezidenti Nataşa Pirts Musar alovlandırıb. Olimpiya məşəli rəssam Qreta Qodniç tərəfindən hazırlanıb və oyunların proqramına daxil edilən 11 idman növünü özündə əks etdirir.

Sonra Avropa Olimpiya komitələrinin bayrağı qaldırılıb. Könüllülər, idmançılar, hakimlər və məşqçilər adından and içilib.

Avropa Olimpiya Komitəsinin prezidenti Spiros Kapralos açılış mərasimində çıxış edib. O, bildirib ki, Avropa Gənclər Olimpiya Festivalı idmanın gələcəyi üçün böyük əhəmiyyət kəsb edir. Məhz bu yarışlarda fərqlənən idmançılar sonradan böyük idman yarışlarında, xüsusilə Olimpiya Oyunlarında öz ölkələrini təmsil edirlər.

Sonra Sloveniya prezidenti xanım Nataşa Pirts Musar XVII Avropa Gənclər Olimpiya Festivalını açıq elan edərək deyib: “Qoy bu Olimpiya Festivalı idmanın gerçəkləşən arzularının, dostluğun və qarşılıqlı hörmətin bayramı olsun”.

Mərasimdə idmançıların paradı da olub. Azərbaycan millisi paraddan keçib. Bayrağımızı tennisçi Mədinə Babayeva və cüdoçu Ramazan Əhmədov daşıyıb.

Tədbirin bədii hissəsi Sloveniyanı bu ilki Avroviziya müsabiqəsində təmsil edən Joker Aut və opera müğənnisi Rayvenin ifaları ilə davam edib.

Qeyd edək ki, Azərbaycan komandası festivalda 7 idman növü üzrə (şose velosipedi, dağ velosipedi, cüdo, tennis, gimnastika, atletika, üzgüçülük) təmsil olunurlar. Komandamızın heyətində cüdo (12), atletika (8), şose velosipedi (6), dağ velosipedi (1), tennis (4), gimnastika (3) və üzgüçülük (2) idman növləri üzrə 36 idmançı yer alıb.

Festivalda 48 ölkədən idmanın 11 növündə 3000-ə yaxın 13-18 yaşlı idmançılar iştirak edirlər. Yarışın bağlanış mərasimi iyulun 29-na təsadüf edəcək.

Olimpiya Festivalını əlamətdar edəcək daha bir məqam festivalın tarixində üçüncü dəfə Olimpiya Mədəniyyəti və Təhsil Proqramının (OCEP) pavilyonunun qurulması olacaq. Bu dəfəki yarışda OCEP pavilyonu iyulun 26-27-də təşkil olunacaq.

Qeyd edək ki, Azərbaycanın gənc idmançıları bu günədək keçirilmiş Avropa Gənclər Olimpiya Festivalından 13-də iştirak edib və ümumilikdə 78 (29 qızıl, 22 gümüş, 27 bürünc) medal qazanıblar. Bu yarışlarda uğurlar əsasən cüdo, güləş, atletika və idman gimnastikası növlərində əldə olunub. Qazanılan medallardan 54-ü (17 qızıl, 15 gümüş, 22 bürünc) cüdoçularımızın, 16-sı (8 qızıl, 5 gümüş, 3 bürünc) güləşçilərimizin, 7-si (4 qızıl, 1 gümüş, 2 bürünc) atletlərimizin, 1 gümüş medal isə idman gimnastlarımızın payına düşüb.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR