Noyabrın 27-də Səudiyyə Ərəbistanın paytaxtı Ər-Riyaddaİslam Həmrəyliyi İdman Federasiyasının(İSSF) 12-ci Baş Assambleyası keçirilib.
Milli Olimpiya Komitəsinin (MOK) mətbuat xidmətindən verilən məlumata görə, iclasda ölkəmizi Azərbaycan MOK-nun vitse-prezidenti Çingiz Hüseynzadə və MOK-un idman idarəsinin müdiri Həsənağa Rzayev təmsil edib.
Assambleyada İSSF-nin institusional strategiyası və oyunlar strategiyası üzrə seminar olub. Daha sonra İSSF-nin 12-ci Baş Assambleyasının iclası öz işinə başlayıb.
İclasda Baş Assambleyanın gündəliyindəki məsələlər, qarşıdan gələn oyunlar üzrə planlar və strategiyalar haqqında müzakirələr aparılıb.
Baş Asambleyanın iştirakçıları Səudiyyə Oyunları-2023-ün açılış mərasimində də iştirak ediblər.
Qeyd edək ki, İSSF-nin Baş Assambleyasından əvvəl İdarə Heyətinin 36-cı onlayn iclası təşkil edilib və bir sıra məsələlər müzakirə olunub.
